इजरायलमा कार्यरत १२७ नेपालीलाई सुरक्षित ठाउँमा सारियो

इजरायल–गाजाको सीमावर्ती क्षेत्रका कृषि फर्ममा कार्यरत सबै ५५ जना नेपाली विद्यार्थीहरुलाई सुरक्षित स्थानमा सारिएको छ ।  इजरायली सुरक्षा संयन्त्र समेतको सहयोगमा उद्दार गरी उनीहरुलाई सुरक्षित ठाउँमा स्थानान्तरण गरिएको नेपाली दूतावासले जनाएको छ । 

यसै गरी उत्तरी सिमाना आसपासमा उद्दारको पर्खाइमा रहेका थप ७२ जना समेत कुल १२७ नेपाली विद्यार्थीहरुलाई सुरक्षित ठाउँमा सारिएको दूतावासले जनाएको छ । 

दूतावासले नेपाल फर्कन इच्छुक नेपाली नागरिकहरुको स्वदेश फिर्तीको लागि सुरु गरिएको अनलाइन रजिष्ट्रेशनमा ३५० भन्दा बढीको विवरण प्राप्त भइसकेको जनाएको छ । उनीहरुको  सुरक्षित स्वदेश फिर्तीको प्रकृया सुरु गरिएको दूतावासले जारी गरेको विज्ञप्तिमा उल्लेख छ।