मोरङको उर्लाबारीमा भएको आगलागीको घटनामा घाइतेमध्ये १४ जनालाई थप उपचारका लागि काठमाडौँ ल्याइएको छ । घाइतेहरूलाई सोमबार नेपाली सेनाको विमानद्वारा विराटनगरबाट काठमाडौँ ल्याइएको हो । 

आइतबार राति साढे १० बजे उर्लाबारी नगरपालिका ७ बरगाछिका दीपक कार्कीको घरमा अचानक आगलागी भएको थियो । 

घटनालगत्तै इलाका प्रहरी कार्यालय उर्लाबारीबाट खटिएको प्रहरी टोलीले उक्त आगलागी नियन्त्रण गर्ने प्रयास गरेपनि एकाएक दुर्घटना निम्तिएको थियो । नियन्त्रणकै क्रममा क्रममा घर भित्र पार्किङ गरी राखेको कारमा समेत आगलागी भई विस्फोट हुँदा ४ जना प्रहरी र २३ जना स्थानीय गरी २७ जना घाइते भएका थिए । 

अन्य घाइतेको स्थानीय अस्पतालहरूमा उपचार भइरहेको प्रहरीले जनाएको छ ।