जिल्ला प्रहरी परिसर ललितपुरले अवैध जुवाविरुद्ध थालेको कारबाहीमा नेपाली सेनाका पूर्व उपरथीसहित आठजना पक्राउ परेका छन् । पक्राउ पर्नेमा  सेनाका अवकाशप्राप्त उपरथी होम लावती छन् । 

 मंगलबार साँझ  ललितपुरको हात्तिबनस्थित क्लासिक टावरमा जुवा खेलिरहेको अवस्थामा उनीसहित ८ जना पक्राउ परेका हुन् । उनीहरुको साथबाट १६ लाख ८२ हजार रुपैयाँ नगद समेत बरामद भएको छ ।

परिसरका अनुसार ललितपुर वडा नम्बर १५ स्थित क्लासिक टावरको ए ब्लकको छैठौं तलामा व्यवासायिक जुवा खेलाइएको पाइएको थियो । पक्राउ परेकाहरुमाथि कारबाही प्रक्रिया अघि बढाइएको प्रहरीले जनाएको छ ।