चर्चित हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ झन्डै सात वर्षपछि स्टेज कार्यक्रममा फर्किएका छन् । 

कास्कीमा जारी ‘१९ औं लेखनाथ महोत्सव’मा शनिवार प्रस्तुति दिँदै उनीहरू लामो समयपछि स्टेज शोमा फर्किएका हुन् । 

हिजो मुख्य आकर्षकका रुपमा महोत्सवमा पुगेका उनीहरूले धुर्मुस र सुन्तलीको क्यारेक्टर पोसाकमै प्रस्तुति दिएका थिए । दुवैले क्यारिकेचरमार्फत सयौं दर्शकलाई हँसाए । 

दर्शकहरूले पनि हुटिङ र ​गडगडाहट तालीले साथ दिए । 

लामो समयपछि स्टेजमा फर्किँदा पनि दर्शकहरुको पहिलेको जस्तै माया पाएको भन्दै धुर्मुस-सुन्तलीले खुशी समेत व्यक्त गरेका छन् । ​

कार्यक्रमहरूमा डिमाण्ड भइरहेका समयमा सामाजिक काममा सक्रिय भएपछि ‘धुर्मुस–सुन्तली’ कलाकारिताबाट टाढिएका थिए । अब, आफूहरूले कलाकारितालाई निरन्तरता दिने उनीहरूले बताएका छन् । 

तस्वीरहरू : सीताराम कट्टेलको फेसबुकबाट

​