पोखराको मित्रमिलन सहकारी ठगी प्रकरणमा पक्राउ परेका पर्वतको कुश्माका प्रमुख प्रशासकीय अधिकृत उदयबहादुर पराजुलीसहित ४ जनालाई पुर्पक्षका लागि थुनामा पठाउने आदेश दिइएको छ ।

जिल्ला अदालत, कास्कीका न्यायाधीश ऋषिराज आचार्यको एकल इजलासले मंगलवार सहकारी ठगी प्रकरणमा जोडिएका सहकारी रजिस्ट्रारको कार्यालय गण्डकीका पूर्वरजिस्ट्रार पराजुलीसहित ४ जनालाई थुनामा पठाउने आदेश दिएको हो ।

पराजुलीसहित गोपाल खनाल, बुद्धिसागर पौडेल र राजु बराललाई पुर्पक्षका लागि थुनामा पठाउने आदेश दिइएको अदालत स्रोतले जनाएको छ । 

कुश्मा नगरपालिकाका प्रमुख प्रशासकीय अधिकृत पराजुली गत पुस ११ गते पर्वतबाट पक्राउ परेका थिए ।

उनलाई पर्वत प्रहरीले कुश्माबाटै पक्राउ गरेको थियो ।