साससङ ग्यालेक्सी ए सिरिजका थप २ नयाँ फोनहरू ग्यालेक्सी ए ०५ र ग्यालेक्सी ए ०५ एस चाँडै बजारमा आउने भएका छन् ।​​ अत्यन्तै सुलभ मूल्य र अभूतपूर्व विशेषताले भरिपूर्ण यी नयाँ मोडलहरू चाँडै नै बजारमा आउने कम्पनीले जनाएको छ । 

यी नयाँ मोडलहरूको उपलब्धतासँगसँगै सामसङको इन्ट्री–लेभलका फोनको समूहले बहुप्रतीक्षित अपडेट प्राप्त गर्ने कम्पनीको विश्वास छ ।

ग्यालेक्सी ए ०५ मा २ प्रकारको मेमोरी ४/६४ जीबी र ६/१२८ जीबी रहनेछन् र ग्यालेक्सी ए ०५ एस मा ४/१२८ जीबी र ६/१२८ जीबी मेमोरी भरिएन्तहरू रहनेछन् ।

यी नयाँ प्रस्तुत गरिएका दुवै ग्यालेक्सी ए ०५ र ग्यालेक्सी ए ०५ एस मा क्रमशः ६.७ इन्च र ६.७२ इन्चको स्क्रिनसहितको ५० एमपी प्राइमरी क्यामरा जडित छन् ।

दुवै नयाँ स्मार्टफोनहरूले अतिरिक्त स्टोरेज विकल्पसहितको माइक्रो एसडिका साथ १ टीबी बाह्य मेमोरीलाई समर्थन गर्नेछन्, जसको कारण प्रयोगकर्ताहरूले उनीहरूले क्याप्चर गरेका सबै मेमोरीहरू र स्टोरीहरूलाई सजिलै सुरक्षित राख्न सक्दछन् ।

ग्यालेक्सी ए ०५ मा भएको अद्भुत ५० एमपी क्यामरालाई पछाडिपट्टि २ एमपीको देप्थ लेन्स र अगाडि पट्टि ८ एमपी क्यामराले साथ दिएका छन् । ग्यालेक्सी ए ०५ एसको कुरा गर्ने हो भनें यसमा भएको म्याक्रो लेन्स र अगाडि पट्टि १३ एमपी क्यामराका साथ २ एमपी क्षमतायुक्त अत्यन्त गहन सेन्सर भएको प्राइमरी क्यामराका साथ तीन वटा लेन्सयुक्त पछाडिको क्यामराबाट कुनै पनि पल क्याप्चर गर्न सक्नेछ ।

ग्यालेक्सी ए ०५ एस सम्पूर्ण नयाँ क्वालकोम स्न्यापड्रागन ६८० प्रोसेसरद्वारा सुसज्जित छ, जसले अत्यन्त उत्कृष्ट कार्य सम्पादनका साथ गेमिङ, अवलोकन र साझा गर्ने कार्यलाई निर्बाध तवरले चालू राखिदिन्छ । साथै ग्यालेक्सी ए ०५ एसमा तपाईँलाई थप सुविधा प्रदान गर्नका लागि साइड माउण्ट फिंगरप्रिन्ट सेन्सर पनि जडान गरिएको छ ।

यी दुवै नयाँ मोडलहरूमा ५००० एमएएच क्षमताको ब्याट्री रहेको हुँदा बिना कुनै आशंका तपाईँलाई दिनभर काम गर्न र खेल्नको लागि पर्याप्त पावर प्राप्त हुनेछ । यी फोनहरूमा २५ वाटको ओरिजिनल एडप्टर पनि रहेको छ ।​

सासमङ ग्यालेक्सी ए ०५ आकर्षक कालो, हल्का हरियो र रजत रङ्गहरूमा उपलब्ध हुनेछन् र यसको बजार मूल्य ४/६४ जीबीको लागि ने.रु.१४,९९९/ र ६/१२८ जीबीको लागि ने.रु.१८,९९९/ कायम गरिने जनाइएको छ ।

यसै गरी, ग्यालेक्सी ए ०५ एस कालो, हल्का हरियो र हल्का बैजनी रङ्गहरूमा उपलब्ध हुनेछन् र यसको बजार मूल्य ४/१२८ जीबीको लागि ने.रु. २१,९९९/र ६/१२८ जीबीको लागि ने.रु.२३,९९९/कायम गरिने बताइएको छ ।

यी दुवै फोनहरूमा सामसङ स्टोरहरूमार्फत फाइनान्सको सुविधा पनि रहेको कम्पनीले जनाएको छ ।