सञ्चारकर्मीसमेत रहेका सुमन ढकालले ‘कालीगंगा’ बोलको गीत ल्याएका छन् । 

राजु ढकाल र जुना श्रीस मगरको स्वरमा उनले यो गीत सार्वजनिक गरेका हुन् । गीतमा सुमनको शब्द, संगीत र अभिनयसमेत छ । गीतको एरेन्ज भने इन्द्र जिसीले गरेका हुन् । 

मदन खड्काको कोरियोग्राफी एवं निर्देशन रहेको भिडियोमा सिद्धार्थ घिमिरे, अस्मिता राना, सागर पराजुली, टंक डुम्रेलगायतका कलाकारहरू देखिएका छन् ।

हरिश महराको छायांकन, दीपक विष्टको सम्पादन रहेको भिडियो ‘सुमन ढकाल अफिसियल’ युट्युब च्यानलमार्फत सार्वजनिक गरिएको हो ।

भिडियोका निर्माता याम सोमै हुन् । 

गीतकार सुमनले यसअघि पनि केही गीत ल्याइसकेका छन् ।