×

NMB BANK
NIC ASIA

सरकारी स्कूलको जग्गा र सटर व्यापारीको कब्जामा, १ करोडभन्दा बढी भाडा तिरेनन् !

धनगढी | फागुन १७, २०८०

NTC
Sarbottam
Premier Steels
Marvel

कैलालीको घोडाघोडी नगरपालिका– १ सुख्खडस्थित राष्ट्रिय माध्यमिक विद्यालयको जग्गा दुईदशक लामो समयदेखि व्यापारीको कब्जामा छ । 

Muktinath Bank

विद्यालयको नाममा दर्ता स्रेस्ता कायम भएको कित्ता नम्बर ९७ र २५१ को जग्गामा व्यापारिक प्रयोजनका लागि भन्दै २०५८ सालदेखि विभिन्न मितिमा विद्यालयसँग सम्झौता गरेका स्थानीय व्यापारीले लामो समयदेखि भाडा बुझाएका छैनन् ।


Advertisment
RMC TANSEN
IME BANK INNEWS
shivam ISLAND

उनीहरूको रजगज यतिसम्म छ कि विद्यालयको नाममा रहेको सरकारी जग्गा आफ्नो भएको दाबी समेत गरिरहेका छन् । व्यापारिक प्रयोजनका लागि मात्रै हैन, विद्यालयको जग्गामा बस्तीसमेत बसेको छ । 


Advertisment
Nabil box
Kumari

२०५५ सालमा नापजाँच भएको विद्यालयको जग्गा भाडामा लिई हाल १ सय ६६ जना बसोबास गरिरहेको विद्यालय व्यवस्थापन समितिको भनाइ छ । 

Vianet communication
Laxmi Bank

त्यसमध्ये १ सय ११ जनाको अभिलेख विद्यालयसँग सुरक्षित रहे पनि सम्झौता पत्रमा हस्ताक्षर गरेकाहरूले समेत हालसम्म भाडा रकम विद्यालयलाई बुझाएका छैनन् ।

null

शिक्षक–व्यापारीको मिलेमतोमा स्कूलको जग्गा किनबेच

स्कूलको जग्गा हड्पनेहरूमा विद्यालयकै शिक्षकदेखि प्रतिष्ठित व्यापारी र समाजसेवी भनिएकाहरू समेत छन् । विद्यालय रहेको अभिलेखअनुसार शान्ता देवी रिजालले २०५९ साल वैशाख २४ गते मासिक १७५ रुपैयाँ तिर्नेगरी भाडा सम्झौता गरेकी छन् ।

भाडा सम्झौता भएको विद्यालयको जमिनमा बनेको अस्थायी संरचनामा विद्युत् लाइन जडान गर्ने प्रक्रियाका लागि रिजालले २०६३ साल माघ २५ गते पुनः अर्को सम्झौता गरेकी छन् । सम्झौतापछि भाडा रकम त उनले तिरेकी छैनन् । अहिले उनको बोली फेरिन थालेको छ । विद्यालयको जग्गा भाडामा नलिएको र बसिरहेको जग्गा आफ्नै भएको उनको दाबी छ । 

घोडाघोडी बहुमुखी क्याम्पस क्याम्पस प्रमुख समेत रहेका लक्ष्मीप्रसाद भट्टराईले २०६६ साल माघ २७ गते विद्यालयसँग जग्गा भाडाको सम्झौता गरेका छन् । यसै विद्यालयका पूर्व प्रधानाध्यापक खेमराज जोशी र होमकान्त आचार्यले समेत जग्गा भाडामा लिएका छन् । जोशीले २०५८ माघ ३० गते र आचार्यले २०५८ माघ २५ गते भाडाको सम्झौता गरेका छन् । तर उनीहरूले हाल सो जग्गा अन्यलाई बिक्री गरिसकेको स्रोतको दाबी छ ।

यस्तै, स्थानीय तिलकप्रसाद भट्टराईले २०५८ साल माघ २५ मा, मानबहादुर मल्लले २०६३ माघ २८ गते, शिवप्रसाद सापकोटाले २०६३ माग २८ गते, हिमाल ज्ञवालीले २०६३ माघ २१ गते विद्यालयसँग सम्झौता गरेका छन् । उनीहरूसहित १ सय ११ जनाको अभिलेख विद्यालयमा सुरक्षित छ । 

‘घोडाघोडीका प्रतिष्ठित व्यापारी, शिक्षक र स्थानीयहरूले स्कूलको जग्गा हड्पेका छन् । पटक–पटक सूचना जारी गर्दा पनि न भाडा तिरेका छन्, न त जग्गा र भवन नै छाडेका छन् । भाडा तिरिरहेका अन्य व्यापारीहरूलाई पनि हर्ताकर्ताहरूले नतिर्न भनेर उक्साइरहेका छन्,’ विद्यालय व्यवस्थापन समितिका अध्यक्ष खगेन्द्र हमालले भने ।

जग्गा बहाल सम्झौताका थप कागजात:

null

कसले कति तिरेनन् ? 

राष्ट्रिय माध्यमिक विद्यालयको जग्गा र भवन भाडास्वरूप प्रयोग गरेका व्यापारी तथा स्थानीयबाट २०८० मंसिर मसान्तसम्म १ करोड ३७ लाख ९० हजार १ सय १८ रुपैयाँ उठ्न बाँकी  छ । विद्यालय प्रशासनले पटक–पटक रकम बुझाउन सूचना जारी गर्दा पनि व्यापारीहरूले अटेरी गर्दै आएका छन् । विद्यालयसँगको सम्झौताअनुसार मासिक भाडा तिर्नेहरू थोरै छन् । अधिंकाशले विगत २२ वर्षदेखि भाडा समेत दिएका छैनन् ।

विद्यालय प्रशासनका अनुसार जग्गा भाडामा लिएर भाडा नतिर्नेमा शान्ता रिजालको नाम अग्रस्थानमा छ । उनले ६ लाख ६१ हजार ७ सय ३५ रुपैयाँ विद्यालयलाई तिरेकी छैनन् ।

हाल उद्योग वाणिज्य संघ घोडाघोडीका अध्यक्ष रहेका जियालाल आचार्यले पनि ५ लाख ७४ हजार २ सय ५२ रुपैयाँ भाडा बुझाएका छैनन् ।  मिरा ज्ञवालीले ४ लाख ८७ हजार २ सय २५, शिवराज सापकोटाले ४ लाख ७ हजार ९ सय ७५, रमेश ऐरले ३ लाख ८ हजार ५ सय ६२, प्रदीप सुनारले ३ लाख ६ हजार रकम तिरेका छैनन् । उनीहरूसहित १ सय ७० जनाले विद्यालयलाई भाडा रकम बुझाएका छैनन् । 

यमलाल अधिकारीले २ लाख ८० हजार २ सय ५०, गणेश भट्टराईले २ लाख ७७ हजार २६, डी.एस फर्निचरले २ लाख २१ हजार लक्ष्मीप्रसाद भट्टराईले २ लाख ११ हजार ६ सय र राजेन्द्र अधिकारीले २ लाख ७ हजार रुपैयाँ भाडा तिर्न बाँकी रहेको विद्यालय प्रशासनले जनाएको छ । 

विद्यालय प्रशासनका अनुसार लक्ष्मी मल्लले १ लाख ७७ हजार १ सय ७८, सप्रिया ग्लास हाउसले  १ लाख ७४ हजार ३ सय ७५, सागर अधिकारीले १ लाख ७३ हजार ६ सय ९, हिरा बुढाले  १ लाख ७३ हजार ८ सय १२, नपुर झाले १ लाख ७१ हजार ४५ र टेकेन्द्र सापकोटाले १ लाख ७० हजार ३ सय ४० रुपैयाँ भाडा बुझाएका छैनन् । 

विशेष विद्यालयको काम रोकियो

सरकारी जग्गा व्यापारीको कब्जामा गएपछि ५ वर्षदेखि विशेष विद्यालयको काम रोकिएको छ । फरक क्षमता भएका विद्यार्थीहरूका लागि छुट्टै सुविधासम्पन्न विद्यालय स्थापना गर्ने सरकारको नीति अनुसार काम अघि बढाइए पनि स्थानीय व्यापारीहरूले जग्गा नछाडेपछि काम रोकिएको हो । 

सुदूरपश्चिम प्रदेशभर एक मात्र विद्यालय निर्माण तथा सञ्चालनका लागि २०७५ सालमा घोडाघोडी छनोट भएको थियो । तत्कालीन शिक्षा मन्त्री गिरिराजमणि पोख्रेलबाट शिलान्यासको काम समेत भएको थियो । 

भवन निर्माणका लागि करिब एककरोड रकम बजेट समेत आएको थियो तर छनोट भएको जमिननजिक नदी परेका कारण भवन निर्माण हुन नसकेपछि काम अलपत्र परेको छ । 

‘भवन निर्माणका लागि नदी किनारको जग्गा उपयुक्त हुँदैन । विद्यालयको जग्गामा व्यापारीको रजगजले हामीले जग्गा फिर्ता लिन सकेका छैनौं । यसमा अघिल्ला व्यवस्थापन समितिको कमजोरी पनि छ । मैले व्यवस्थापन समितिको जिम्मेवारी पाएपछि विशेष विद्यालयका लागि भवन निर्माण गर्न स्थानीयको कब्जामा रहेको कित्ता ९७ र २५१ नम्बरको जग्गा खाली गराउने अभियान नै शुरू गरेको छु । सरकारी जग्गामा कसैको कब्जामा जान दिन्नौं, सबै फिर्ता गराउँछौं,’ व्यवस्थापन समिति अध्यक्ष हमालले भने ।

कैलालीको सुखडमा रहेको राष्ट्रिय माध्यमिक विद्यालयको जग्गामा बनेका संरचना हटाउन विद्यालयले बल प्रयोग गर्ने तयारी गरेको छ । सोमबार अन्तिमपटक सात दिने सूचना जारी गर्दै विद्यालयले संरचनाधनीले आफैं नहटाए बल प्रयोग गरी विद्यालयको जग्गा खाली गर्ने चेतावनी दिएको हो ।

विद्यालयको जग्गाको कित्ता नम्बर ९७ को क्षेत्रफल खाली गर्न यसअघि ३५ दिने सूचना जारी गरेको थियो । तोकिएको समयसम्म पनि अटेरी गरेपछि अन्तिमपटकका लागि सोमबार सूचना सार्वजनिक गरिएको विद्यालय व्यवस्थापन समिति अध्यक्ष खगेन्द्र हमालले जानकारी दिए । सो विद्यालयको २ बिघा जग्गा विगत २२ वर्षदेखि केही स्थानीय र व्यापारीहरूले कब्जामा राखेका छन् ।

null

null

null

hAMROPATRO BELOW NEWS
TATA Below
कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x