न्युरोड टीम (एनआरटी) आठौं संस्करणको विराट गोल्डकप फूटबल प्रतियोगिताको क्वार्टरफाइनलमा प्रवेश गरेको छ । 

विराटनगरको सहिद रंगशालामा शुक्रवार भएको रात्रीकालीन खेलमा विभागीय टोली त्रिभुवन आर्मी क्लबलाई २–० गोल अन्तरले पराजित गर्दै काठमाडौंको क्लब एनआरटी क्वार्टरफाइनलमा पुगेको हो । 

यो जीतसँगै एनआरटीले आइतवार दोस्रो क्वार्टरफाइनल खेलमा भारतको सिक्किम डे«गानसँग प्रतिस्पर्धा गर्नेछ ।

एनआरटीको जीतमा विदेशी खेलाडी रिचार्ड र आफिज ओलावाले एक–एक गोल गर ।  

आर्मीले गोल फर्काउने केही अवसर खेल फालेको थियो । हारपछि आर्मीका प्रशिक्षक मेघराज केसीले पाएको अवसर खेलाडीहरूले चुकाउँदा हार ब्यहोर्नुपरेको बताए । 

जीतपछि एनआरटीका सहायक प्रशिक्षक आशिष थापामगरले खेलाडीको राम्रो टीमवर्क भएकोले नतिजा आफ्नो पक्षमा पार्न सफल भएको बताए । 

खेलको प्लेयर अफ दी म्याच एनआरटीका आफिज ओलावाले घोषित भए । उनले नगद ११ हजार रुपैयाँ पाए । 

शनिवार पहिलो क्वार्टरफाइनल खेलमा घरेलु टीम सांग्रिला मोरङ फूटबल क्बल र भुटानको आरटीसी एफसी क्बलबीच खेल हुनेछ ।