कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
काठमाडाैं | चैत २१, २०८०
‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ–
प्रदेश सरकारहरु टिकाउने र भत्काउने योजनाका साथ दलहरु जुटेका छन् । कांग्रेस नेतृत्वको प्रदेश सरकार भत्काउने प्रयासमा नयाँ समीकरणअनुसार बनेको गठबन्धन छ भने कांग्रेसचाहिँ टिकाउने रणनीतिमा देखिन्छ ।
यता कर्णाली प्रदेशमा भने नयाँ सत्ता समीकरणमा रहेका दलहरुबीच नै विवाद देखिएको छ । सोही विवादले मंगलबारको कर्णाली प्रदेशसभाको बैठक स्थगित भयो ।
विशेष कारणवश बैठक स्थगित गरिएको प्रदेशसभा सचिवालयका प्रमुख सचिव जीवराज बुढाथोकीले जारी गरेको विज्ञप्तिमा उल्लेख छ ।
मंगलवार स्थगित भएको बैठक बुधबार ३ बजे बस्नेछ । बुधबारको बैठकमा विश्वासको मत लिने मुख्यमन्त्रीको अडान छ । केन्द्रमा कर्णाली प्रदेशबारे भागबण्डा हुँदा एमालेको भागमा परेपनि माओवादीका केही नेताले असन्तुष्टि पोख्दै आएका छन् ।
००००
यस्तै अल्पमतमा परेका गण्डकी प्रदेशका मुख्यमन्त्री सुरेन्द्रराज पाण्डे राजीनामा दिने तयारी गरेका छन् । मुख्यमन्त्री पाण्डेले बुधवार राजीनामा दिने तयारी गरेको उनका प्रेस संयोजक नरहरि सापकोटाले जानकारी दिए ।
केन्द्रमा गठबन्धन फेरिएपछि त्यसको प्रभावले माओवादी केन्द्रले फागुन २३ गते मुख्यमन्त्रीलाई दिएको समर्थन फिर्ता लिएपछि नेपाली कांग्रेसका संसदीय दलका नेता पाण्डे नेतृत्वको सरकार अल्पमतमा परेको थियो । पाण्डेले राजीनामा दिएर फेरि नयाँ प्रक्रियामार्फत आफै मुख्यमन्त्री बन्ने रणनीति लिएका छन् ।
००००
यस्तै बागमतीमा भने नवनियुक्त ४ मन्त्रीले पद तथा गोपनीयताको शपथ ग्रहण गरेका छन् । प्रदेशका नवनियुक्त ४ मन्त्रीलाई प्रदेश प्रमुख यादव चन्द्र शर्माले शपथ ग्रहण गराएका हुन् ।
यसअघि सोमबार राति मात्र एकीकृत समाजवादीबाट रमा आले मगर मन्त्री नियुक्त भई मंगलबार बिहान शपथ ग्रहण गरेकी थिइन् । हालसम्म बागमतीमा मौजुदा १२ मन्त्रालयमा १३ मन्त्री नियुक्त भएका छन् । १२ मन्त्रालयमा १३ मन्त्री भएकाले अब मन्त्रालय फुटाउने या एक कुनै दलका एक मन्त्रीलाई फिर्ता बोलाउने भन्नेबारे सहमति भएको छैन । यसबारे आगामी दिनमा छलफल गरेर टुंगोमा पुगिने नेताहरुको भनाइ छ ।
००००
लुम्बिनी प्रदेश सरकारको मन्त्रिपरिषद् बैठकले बिहीबार बजेट अधिवेशन आह्वान गर्ने निर्णय गरेको छ । मंगलबार बसेको बैठकले २२ गते बिहीबार संसद् अधिवेशन बोलाउने निर्णय गरेको हो । प्रदेशसभाबाट मुख्यमन्त्री डिल्ली चौधरीले विश्वासको मत लिनेछन् । सरकार टिकाउन सकस भएपनि जे हुन्छ त्यही फेस गर्ने उनको योजना छ ।
००००
यसैगरी सुदूरपश्चिम प्रदेशसभा सचिवालयले चैत्र २२ गते प्रदेश सभाको बैठक आह्वान गरेको छ । मुख्यमन्त्री कमल बहादुर शाहले विश्वासको मतको लागि बैठक आह्वानको सूचना प्रेषित गरेपछि प्रदेश सभाको बैठक आह्वान गरिएको हो ।
फागुन २१ पछि नयाँ सत्ता समीकरण बनेपछि नेकपा माओवादी केन्द्र र एकीकृत समाजवादीले सुदूरपश्चिम प्रदेश सरकारलाई दिएको समर्थन फिर्ता लिएपछि मुख्यमन्त्री शाह नेतृत्वको सरकार अल्पमतमा परेको हो । उनले नागरिक उन्मुक्तिलाई साथमा लिएपनि सो पार्टी विवादमा फसेपछि तनावको स्थिति बनेको छ । उनले विश्वासको मत नपाएमा सरकार ढल्नेछ ।
यस्तै कोशी प्रदेशमा भने मध्यावधिको खतरा रहेकाले के हुन्छ भन्ने अन्योलता कायमै छ । अहिले नै कांग्रेस नेतृत्वको सरकार बदल्न नयाँ समीकरणलाई चुनौती छ । यस्तै मधेसको हकमा भने जसपाकै नेतृत्व निरन्तर हुनेछ । मधेसमा जसपाको नेतृत्व निरन्तर हुने भनेर यसअघि नै केन्द्रीय सत्ता गठबन्धनमा सहमति भइसकेको छ ।
००००
उपप्रधानमन्त्री एवं गृहमन्त्री रवि लामिछानेले त्रिभुवन अन्तर्राष्ट्रिय विमानस्थलको सुरक्षा प्रबन्धलाई सुदृढ र प्रभावकारी बनाउन अध्ययन समितिको प्रतिवेदन तत्काल कार्यान्वयन गर्न निर्देशन दिएका छन् ।
मन्त्रालयमा सरोकारवालाबीच भएको छलफलमा गृहमन्त्री लामिछानेले राष्ट्रिय सुरक्षा सल्लाहकार शङ्करदास बैरागीको नेतृत्वमा गठित समितिको प्रतिवेदन कार्यान्वयन गर्न निर्देशन दिएका हुन् । छलफलमा उनले विमानस्थलमा रहेका निकायबीच प्रभावकारी समन्वय गर्न र एक अर्कालाई दोषारोपण नगर्न आग्रह गरे ।
००००
प्रमुख प्रतिपक्षी दल नेपाली कांग्रेसले सहकारी प्रकरणमा उपप्रधान तथा गृहमन्त्री रवि लामिछानेमाथि छानबिन गर्न समिति नबनेसम्म संसद्को रोस्ट्रममा बोल्न नदिने भएको छ । मंगलवार सभापति शेरबहादुर निवास बूढानीलकण्ठमा बसेको कांग्रेसको पार्टी कार्यसम्पादन समितिको बैठकले उच्चस्तरीय छानबिन समिति गठन नभएसम्म गृहमन्त्री लामिछानेको जवाफ नसुन्ने निर्णय गरेको प्रवक्ता प्रकाशशरण महतले बताए । यसैबीच कांग्रेसले बुधबार उपनिर्वाचनको उम्मेदवार टुंग्याउँदैछ ।
००००
घुससहित पक्राउ परेका नेपाल प्रहरीका तत्कालीन प्रहरी नायब उपरीक्षक ९ठगबहादुर केसी भ्रष्टाचार मुद्दामा दोषी ठहर भएका छन् ।
विशेष अदालतका अध्यक्ष न्यायाधीश टेकनारायण कुँवर र सदस्य न्यायाधीश रितेन्द्र थापासहितको इजलासले उनलाई मंगलवार २ वर्ष कैद र ८ लाख ५० हजार रुपैयाँ जरिवानाको फैसला गरेको हो ।
००००
प्रधानमन्त्री पुष्पकमल दाहाल प्रचण्डले नेपाली कांग्रेससँगको पुरानो गठबन्धनबाट समृद्धिको बेग हान्न नसकेपछि नयाँ समीकरण बनाउने जोखिम उठाएको बताएका छन् । प्रधानमन्त्री पद सुरक्षित गर्न भन्दापनि समाजवादको आधार तयार गर्ने इमान्दार प्रयासस्वरुप गठबन्धन फेरेको उनले बताए ।
समाजवादी मोर्चाले मंगलवार काठमाडौंमा आयोजना गरेको कार्यक्रममा प्रधानमन्त्री प्रचण्डले नयाँ समीकरणबाट एउटा तप्का विक्षिप्त भएपनि सरकारले सुशान, समृद्धि र सामाजिक न्यायको अभियानलाई उचाइमा पुर्याउने दाबी गरेका हुन् ।
००००
प्रधानमन्त्री पुष्पकमल दाहाल प्रचण्ड र नागरिक उन्मुक्ति पार्टीका संरक्षक रेशम चौधरीबीच भेटवार्ता भएको छ ।
प्रधानमन्त्री प्रचण्डलाई भेट्न चौधरी मंगलवार अपरान्ह सिंहदरबारस्थित उनको कार्यालय गएका थिए ।
प्रधानमन्त्री र आफूबीच सरकारलाई समर्थन गर्ने–नगर्ने भन्ने विषयमा कुरा भएको चौधरीले बताए ।
००००
धरानका मेयर हर्क साम्पाङले प्रत्यक्ष निर्वाचित कार्यकारीको व्यवस्था काठमाडौंमा एकल प्रदर्शन गरेका छन् । २०८४ को निर्वाचनअघि प्रत्यक्ष निर्वाचित कार्यकारीको व्यवस्था गर्न माग गर्दै उनले काठमाडौंको सडकमा एकल प्रदर्शन गरेका हुन् ।
००००
सहकारीको पैसा अपचलनमा संलग्न रहेको भन्दै गृहमन्त्री एवं रास्वपा सभापति रवि लामिछानेमाथि संसदीय छानबिनको माग उठिरहेका बेला रास्वपा अर्का मन्त्रीबारे पनि संसद्मा प्रश्न उठेको छ ।
श्रम तथा रोजगार मन्त्री डीपी अर्यालसमेत सहकारी ठगीमा मुछिएको भन्दै कांग्रेसले संसदमा आवाज उठाएको हो ।
००००
नेपाल स्टक एक्सचेन्ज (नेप्से) परिसूचक सामान्य अङ्कले घटेको छ । मंगलबार नेप्से परिसूचक १ दशमलव ८५ अङ्कले घटेर दुई हजार १० दशमलव २१ को विन्दुमा पुगेको छ ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...