कोशी प्रदेशमा सहभागी नेकपा माओवादी केन्द्रका मन्त्रीहरूले राजीनामा दिने भएका छन् ।

आज बसेको संसदीय दलको बैठकले राजीनामा दिने निर्णय गरेको हो ।

'आज राजीनामा दिने निर्णय भएको छ', माओवादीका संसदीय दलका नेता ईन्द्रबहादुर आङ्बोले भने, 'आजै सरकारको दाबी गर्छौं ।'

उनका अनुसार विशेष अधिवेशनको माग गर्ने समेत निर्णय भएको छ ।

एमाले र माओवादीले समर्थन फिर्ता लिने सहमति भएको उनले जानकारी दिए ।

कोशी सरकारमा माओवादीबाट गणेश उप्रेती - वन, राजेन्द्र कार्की - सामाजिक विकास र नारायण बुर्जामगर खानेपानी मन्त्री छन् ।