कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
कैलाली | चैत ३०, २०८०
बझाङको प्रदेशसभा निर्वाचन क्षेत्र नम्बर १ मा वैशाख १५ गते हुने चुनावको रौनक बढेको छ । मत आफ्नो पक्षमा पार्नका लागि उम्मेदवारहरूबीच रस्साकस्सी भइरहेको छ ।
मतदानको दिन नजिकिँदै जाँदा उम्मेदवारहरू भोट माग्न उम्मेदवारको घरदैलोमा पुगिरहेका छन् । किसानहरू कामको धपेडीमा रहँदा उम्मेदवारहरू भने उनीहरूको खेतसम्मै पुगिरहेका हुन् । ०७९ मंसिरमा भोट दिएका जनताहरू भने एक वर्षमै पुनः भोट दिनुपर्दा उत्साहित छैनन् ।
‘नेताहरूले मिलीजुली देश खाइसके । यो उपनिवार्चनको नाटक किन ? खाली रहेका सिटहरूमा पनि भागबन्डा गरे हुन्छ । हामी गरिखाने नागरिकलाई दुःख मात्रै । जितेर पठाएका जनप्रतिनिधि पनि सेवा भोगमै मस्त छन् । आफ्नै भुँडी भर्नु छ । उनीहरूलाई जनताका मुद्दाको मतलब छैन,’ आक्रोशित मुद्रामा देखिएका स्थानीय पर्वत सिंहले भने ।
बझाङको प्रदेश सभा निर्वाचन क्षेत्र नम्बर १ मा चुनावी रौनक बढ्दा अधिकांश मतदाताहरू जिल्ला बाहिर छन् । गाउँमा महिला, बालबालिका र जेष्ठ नागरिकहरू मात्रै छन् । युवा पुस्ता कमाइका लागि भारत र तेस्रो मुलुकमा छन् ।
‘यसपालि भोट निकै कम खस्छ होला । विद्यार्थीहरू अध्ययनका लागि धनगढी र काठमाडौंमा छन् । युवा पुस्ता गुजारा चलाउन बिदेसिएका छन् । गाउँमा हामी अशक्तहरू मात्रै छौं,’ तल्कोटका स्थानीय हरिस धामीले भने ।
उम्मेदवारहरूको आ–आफ्नै दाबी
नेकपा एमालेका तर्फबाटका उम्मेदवार बनेका दमन भण्डारी आफ्नो जीत निश्चित रहेको दाबी गर्छन् । ‘मतदाताको प्रतिक्रिया राम्रो छ । माहोल ठीक छ । कांग्रेस, माओवादीसहितका सबै दल एक हुँदा पनि हामी थोरै मतले मात्र पराजित भएका थियौं । अहिले आ–आफ्नै पार्टीबाट चुनाव लड्दा एमालेको जीत निश्चित हो,’ भण्डारीले भने ।
२०७४ को निर्वाचनमा बझाङका दुवै प्रदेशसभा क्षेत्रमा एमाले विजयी भएको थियो । अहिले उपनिर्वाचन भइरहेको क्षेत्रबाट अर्जुन थापा निर्वाचित भएका थिए । सभामुख बनेर उनले ५ वर्ष प्रदेश सभा सञ्चालन गरेका थिए ।
०७९ को निर्वाचनमा भने नेपाली कांग्रेस, नेकपा माओवादी केन्द्र र एकीकृत समाजवादी लगायतका दल गठबन्धनमा थिए । गठबन्धनको साझा उम्मेदवारका रूपमा कांग्रेसका पृथ्वीबहादुर सिंह निर्वाचित भएका थिए ।
उनलाई नेकपा एमालेका अफिलाल उखेडाले कडा टक्कर दिएका थिए । सिंहले प्रदेशको आन्तरिक मामिला तथा कानून मन्त्री रहेको समयमा सवारी दुर्घटनामा परी ज्यान गुमाएका थिए ।
सिंहसँग पराजित एमालेका अफिलाल उखेडा उपनिर्वाचनमा एमालेको जीत निश्चित भएको दाबी गर्छन् । ‘सबै दल एक हुँदा पनि निकै कम मतले पराजय भोगेको हो । अहिले सबै उम्मेदवार आ–आफ्नै पार्टीबाट लड्दा हाम्रो जीत निश्चित छ । उम्मेदवार दमनजीसँगै म घरदैलो अभियानमा छु,’ उखेडाले भने ।
हाल उप–निर्वाचन भइरहेको प्रदेश सभा १ मा ६२ हजार मतदाता छन् । जहाँ जयपृथ्वी नगरपालिकासहित ६ वटा गाउँपालिका र थलारा गाउँपालिकाको ९ नम्बर वडा पर्दछ । ०७९ को निर्वाचनमा प्रदेश सभा २ मा नेकपा माओवादी केन्द्रबाट निर्वाचित भीम भण्डारी अहिले प्रदेश सभाको सभामुख छन् ।
नेकपा माओवादी केन्द्रको तर्फबाट उम्मेदवारी दिएका जनक बुढा पनि जीत सुनिश्चित रहेको दाबी गर्छन् । ‘पार्टीको बैठक सकेर अहिले घरदैलो अभियानमा छौं । मतदाताहरूले आग्रह गरेरै म चुनाव लड्न तयार भएको हुँ । माहोल एकदम राम्रो छ,’ बुढाले भने ।
मुख्य प्रतिस्पर्धा भने एमाले र कांग्रेसबीच नै हुने देखिन्छ । कांग्रेसका तर्फबाट उम्मेदवार बनेका अभिषेक सिंहलाई बुवाको विरासत जोगाउने मुख्य चुनौती छ ।
पृथ्वी सिंहको मृत्युपछि पाटीले उनकै छोरालाई टिकट दिएको छ । ‘एनपी साउद लगायतका नेताहरू आउनु भएको छ । उहाँहरू फर्किएपछि घरदैलो अभियान शुरू हुन्छ । निर्वाचनमा पनि हामीले जितेको क्षेत्र हो । बुवाको विरासत जोगाउन कुनै चुनौती छैन,’ उनले भने ।
११ जना चुनावी मैदानमा
प्रदेशसभा उपनिर्वाचनका लागि उम्मेदवारी दिएका १२ जनामध्ये एक जनाले उम्मेदवारी फिर्ता लिएका छन् । नेपाली जनता दलका अशोक सुनारले उम्मेदवारी फिर्ता लिएका हुन् । अब ११ जनाको उम्मेदवारी बाँकी छ ।
कांग्रेसका तर्फबाट अभिषेकबहादुर सिंहले उम्मेदवारी दिएका छन् भने सत्तारुढ गठबन्धन आबद्ध दलहरूले पनि प्रदेशसभा उपनिर्वाचनका लागि छुट्टाछुट्टै उम्मेदवारी दर्ता गराएका छन् । गठबन्धनको ठूलो दल एमालेका तर्फबाट दमन भण्डारी र माओवादी केन्द्रबाट जनक बुढाले उम्मेदवारी दिएका छन् । सत्ता गठबन्धनकै अर्को घटक एकीकृत समाजवादीका तर्फबाट दिलबहादुर सिंह पनि प्रतिस्पर्धामा छन् ।
उम्मेदवारको संख्या ११ भए पनि मुख्यरूपमा एमाले र कांग्रेसबीच नै प्रतिस्पर्धा हुने स्थानीय बताउँछन् । एमाले अझै पनि माओवादीले सघाउने आसमा देखिन्छ । बाँकी सबै उम्मेदवार कायम रहँदा पनि प्रतिस्पर्धा एमाले र कांग्रेसबीच नै हुने स्थानीय सागर भट्टले बताए ।
‘२०७९ मा गठबन्धनबाट कांग्रेसले जितेको थियो । अहिले सबै एक्लाएक्लै प्रतिस्पर्धामा छन् । त्यसैले एमाले वा कांग्रेसबीच नै प्रतिस्पर्धा हुने देखिन्छ । यी दुईमध्ये कसले बाजी मार्छ, त्यो हेर्न रोचक हुनेछ,’ भट्टले भने ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...