पदभार सम्हालेकै दिन सभामुख अग्निप्रसाद सापकोटालाई नेपालका लागि चिनियाँ राजदूत होउ यान्छीले शिष्टाचार भेट गरेकी छन् ।

सिंहदरबारस्थित सभामुखको कार्यकक्षमा दिउँसो २ बजे भेटवार्ता भएको हो । भेटमा चिनियाँ राजदूत यान्छीले सभामुखमा निर्वाचित भएकोमा बधाई दिँदै सफल कार्यकालको शुभकामना दिएकी थिइन् ।

यसअघि सभामुख सापकोटाले बिहान राष्ट्रपति विद्या भण्डारीसमक्ष पद तथा गोपनीयताको शपथ लिएर कार्यभार सम्हालेका थिए ।