प्रधानमन्त्री केपी शर्मा ओलीले आफ्नो नेतृत्वमा सरकार गठन भएको ठीक २ वर्ष पुगेको अवसरमा शनिबार संसदलाई सम्बोधन गरे।

प्रतिनिधिसभामा सम्बोधनको क्रममा उनले सरकारका उपलब्धीको चर्चा मात्र गरेनन् ‘सरकार २ वर्ष टिक्नु पनि उपलब्धीका रुपमा हेर्नुपर्ने बताए। उनले भनेका थिए, ‘एउटै सरकारले २ वर्ष पूरा गर्नु पनि उपलब्धीको रुपमा लिनुपर्ने रहेछ।’

उनले संसदमा सम्बोधन गरेको भोलिपल्ट गृहजिल्ला झापा पुगेका प्रम ओलीले गरेको सम्बोधन चर्चाको विषय बनेको छ।

ओलीको नेतृत्वमा ५ वर्षका लागि सरकार गठन भएको थियो। तर उनले झापाको दमकमा भने, ‘सरकार ढाल्ने षड्यन्त्र भइरहेको’ छ।

कसले षडयन्त्र ग-यो भनेर नखुलाएका प्रम ओलीले भने, ‘सरकारविरुद्ध विभिन्न शक्ति केन्द्रले षड्यन्त्र गरिरहेका छन्। मुलुकको विकासको रफ्तारलाई रोक्न एकल बहुमतवाला सरकारलाई पनि ढाल्ने क्रियाकलाप जारी छ। '