न रह्यो बसपार्क, न बन्ने भयो ‘भ्यु टावर’ ! [भिडियो रिपोर्ट]

रोजन श्रेष्ठ
रोजन श्रेष्ठ

श्रेष्ठ लोकान्तरका मल्टिमिडिया संवाददाता हुन् ।

पुरानो बसपार्कमा ‘काठमाडौं भ्यु टावर’ निर्माणको जिम्मा पाएको जलेश्वर स्वच्छन्द बिकोई जेभीका सञ्चालक मनोज भेटवाल पक्राउ परेपछि भ्यु टावर निर्माणको काम फेरि अबरुद्ध हुने खतरा बढेको छ ।

काठमाडौं महानगरपालिका र जलेश्वर बिकोइबीच २०७१ सालमा सम्झौता भएपनि २ वर्षपछि २०७३ साल साउन ३० गते कार्यादेश पाएको थियो ।


Advertisement

निर्माणको ठेक्का पाएको ४३ महिनामा अहिले बल्ल जमिनमुनिको पहिलो ढलान गर्ने अवस्थामा पुगेको छ । 

काठमाडौं महानगरपालिकाको सार्वजनिक निजी साझेदारी इकाइका निर्देशक ध्रुव काफ्लेका अनुसार १५ दिनभित्र भुइँ तल्लाको ढलान गर्ने तयारी भइरहेको बताउँछन् ।


Advertisement

५ वर्षभित्र १२ तल्ले भवन बनाउने प्रतिबद्धता जनाएको ठेकेदार कम्पनीले अहिले आएर बल्ल कामलाई गति दिएको छ । 

‘काम भएको देखिन्छ, बाँकी समयमा पूरा गर्छ कि गर्दैन भन्ने आशंका छ,’ वाग्लेले लोकान्तरसँग भने, ‘जमिनमुनिको काम ढिला भएपनि जमिन माथिको काम छिटो हुनेछ ।’

ठकेदार कम्पनीले जमिनमुनिको माटो निकाल्न समस्या हुँदा काममा ढिलाइ भएको बताउँदै आएको छ ।

यति लामो समयसम्म खासै गति नलिएको कामले अबको १७ महिनामा पूर्णता पाउने विश्वास गर्न निकै कठिन छ ।

निर्माण कम्पनीका मालिक भेटवाल बैंकिङ ठगीमा पक्राउ परेपछि निर्माणको काम प्रभावित हुने भन्दै कामदारहरू चिन्तित बनेका देखिन्छन् । 

निर्माण अवधिसहित ३० वर्षभित्र महानगरपालिकालाई भवन हस्तान्तरण गर्नेगरी महानगरपालिकासँग सम्झौता भएको थियो ।

भ्यु टावर निर्माणका लागि भन्दै काठमाडौं महानगरपालिकाले पुरानो बसपार्कलाई खुलामञ्चमा सारेको छ । 

बसपार्क राख्ने गरी अनुमति पाएपछि भेटवालले खुलामञ्चमा सटर बनाएर भाडामा लगाएका थिए ।

व्यापक आलोचनापछि डोजर लगाएर सटर भत्काइएको थियो ।

हेर्नुहोस्, भिडियो :

रोजन श्रेष्ठ
रोजन श्रेष्ठ

लेखकबाट थप...

कमेन्ट गर्नुहोस्