बाग्लुङमा पहिरो : ३ बालबालिकाको मृत्यु

विजय उत्सव
विजय उत्सव

पत्रकार विजय उत्सव लोकान्तरका गण्डकी प्रदेश प्रतिनिधि हुन् ।

फाइल तस्वीर

बाग्लुङको तमानखोला र निसीखोला गाउँपालिकामा गएराति गएको पहिरोमा ३ जना बालबालिकाको मृत्यु भएको छ । 

अविरल वर्षापछि घरमाथिबाट खसेको पहिरोले पुरिँदा उनीहरुको मृत्यु भएको बाग्लुङका प्रमुख जिल्ला अधिकारी सुरेश न्यौपानेले जानकारी दिए । 


Advertisement

उनका अनुसार निरन्तर वर्षापछि खसेको पहिरोले घर पुरिँदा तमानखोला गाउँपालिका–२ मा पानबहादुर विकको घर गएराति साढे १ बजे पुरेको हो । पहिरोमा उनका दुई छोराछोरीको मृत्यु भएको छ । वर्ष १२ की रीता बिक र वर्ष १३ का खिमबहादुर बिकको पहिरोमा परी मृत्यु भएको हो ।

राति घरमा सुतिरहेको अवस्था घर पहिरोले पुरेको हो । घटनामा पानबहादुरकी श्रीमती होमकुमारी बिक सामान्य घाइते छन् । पानबहादुर भने वैदेशिक रोजगारीको सिलसिलामा विदेश छन् । 
घटनास्थल बाग्लुङ सदरमुकामबाट करिब ८० किलोमिटर पश्चिममा पर्दछ । 


Advertisement

उता, बाग्लुङकै निसीखोला गाउँपालिका–१ मा कमल परियारको घर गएराति पहिरोमा परेको हो । पहिरोले उनका ३ वर्षीय छोरा समीरको मृत्यु भएको हो । गएराति अन्दाजी २ बजेतिर गएको पहिरोमा उनकी आमा र दिदीको भने सकुशल रहेको प्रजिअ न्यौपानेले बताए । बाबु कमल विदेश छन् । घटनास्थल बाग्लुङ सदरमुकामदेखि अन्दाजी ७० किमी पश्चिममै पर्दछ । 

पहिरोले घर पुरेको जानकारीपछि बुर्तिवाङबाट प्रहरीको टोली घटनास्थल गएको थियो । त्यस्तै सशस्त्र प्रहरी पनि टोली समेत उद्धारमा खटिएको थियो ।
 

विजय उत्सव
विजय उत्सव

लेखकबाट थप...

कमेन्ट गर्नुहोस्