काठमाडौं । नेपाल र चीनबीच कुनैपनि किसिमको सीमा विवाद नरहेको सरकारले दावी गरेको छ । चीनले नेपाली भूमि मिचेको भन्दै काठमाडौंमा प्रदर्शन र विभिन्न राजनीतिक दलका नेता समेतले विरोध गर्दै आएकोमा सरकारले चीनले नेपाली भूमि नमिचेको र सीमा विवाद पनि नरहेको बताएको हो ।

पराराष्ट्रमन्त्री तथा सरकारका प्रवक्ता  प्रदीप ज्ञवालीले बुधबारको पत्रकार सम्मेलनमा हुम्लास्थित सीमा क्षेत्रमा चीनले भवन बनाएकोमा भने सरकारको गम्भीर ध्यानाकर्षण भएको बताए ।
ज्ञवालीले स्थलगत अध्ययनका लागि गएको टोली फर्केर आएपछि सत्यतथ्य जानकारी गराउने समेत बताए ।

यसबाहेक चीन र नेपालबीच कुनै सीमा विवाद नरहेको दावी गर्दै उनले त्यस खालका हल्ला आउँदा आधिकारिक स्रोतका आधारमा मात्र समाचार सम्प्रेषण गर्न आग्रह गरे ।