सुदूरपश्चिम प्रदेशका मुख्यमन्त्री त्रिलोचन भट्टलाई पदमा कायम राखिराख्न सघाएर पार्टीको निर्देशन उल्लंघन गरेपछि नेकपा एमाले सुदूरपश्चिम प्रदेश कमिटीले प्रदेशसभा संसदीय दलका नेता प्रकाशबहादुर शाहलाई २४ घण्टे स्पष्टीकरण सोधिएको छ ।

पार्टीका सुदूरपश्चिम प्रदेश कमिटी अध्यक्ष कर्णबहादुर थापा र सचिव राजेन्द्रसिंह रावलले सोधेको स्पष्टीकरणमा पार्टीको साधारण सदस्यबाटै किन निष्कासित नगर्ने भनेर सोधिएको छ ।

स्पष्टीकरण चित्तबुझ्दो नभएमा वा जवाफ नदिएमा पार्टीबाटै निष्कासित गरेर कारवाही गरिने चेतावनी दिइएको छ ।

अन्तिम पटकलाई सोधिएको भनिएको ६ बुँदे स्पष्टीकरणमा संसदीय दलको विधान पार्टीबाट अनुमोदन नगराएको, पार्टीको निर्देशन पालना नगरेको, विपक्षीसँग साँठगाँठ गरेको, गुटगत भेला र गतिविधि गरेको लगायत आरोप लगाइएको छ ।

यस्तो छ स्पष्टीकरणपत्र –