बलिउड इन्डस्ट्रीकी बोल्ड हिरोइनमध्येकी एक शर्लिन चोपडाको आज जन्मदिन । उनले आज आफ्नो ३८ औं जन्मदिन मनाइरहेकी छन् । 

शर्लिनले फिल्म ‘टाइमपास’ बाट आफ्नो फिल्मी करियर शुरू गरेकी थिइन् । पहिले उनी मोडलिङ गर्थिन् । उनी निर्देशक रुपेश पलको अंग्रेजी फिल्म कामसूत्र थ्रीडीकी मुख्य नायिका थिइन् । तर शर्लिन आफ्नो फिल्मभन्दा विवादका कारण चर्चामा रहिन् । जानौँ शर्लिनका केही यस्ता विवाद, जसले पूरै देशलाई हल्लायो ।

प्लेब्वाई पत्रिकाका लागि न्यूड फोटोसुट

शर्लिन चोपडा हिन्दी सिनेमाकी एक मात्र अभिनेत्री हुन् जसले प्लेब्वाई म्यागजिनको लागि आफ्नो पूर्ण नग्न फोटोसुट गराएकी छन् । त्यसपछि उनी धेरै विवादमा परेकी थिइन् । उनको सर्वत्र आलोचना भयो ।

पैसाका लागि सम्बन्ध

शर्लिन चोपडा आफैंले एक पटक पैसाको लागि केही पुरुषसँग यौनसम्पर्क गरेको स्वीकार गरेकी थिइन् । तर, अहिले त्यो व्यक्ति को थियो भन्ने उनलाई याद छैन रे । शर्लिनले ट्वीट गरेकी थिइन्, 'विगतमा धेरै पटक मैले पैसाको लागि सेक्स गरें ।'

साजिद खान र राज कुन्द्रामाथि आरोप

शर्लिन चोपडाले गत वर्ष साजिद खानमाथि यौन उत्पीडनको आरोप लगाएकी थिइन् । यसबाहेक उनको नाम राज कुन्द्राको पोर्न र्‍याकेटमा पनि जोडिएको थियो । शर्लिनले राजमाथि उनको एडल्ट फिल्म बनाएर पैसा नतिरेको आरोप लगाएकी थिइन् ।

विद्या बालनबारेको अभिव्यक्ति

शर्लिनले आफूलाई महिलाप्रति आकर्षित गर्ने ठूलो खुलासा गरेकी छन् । उनले भनिन्, ‘म विद्या बालनसँग भावुक दृश्यहरू गर्न चाहन्छु । म उनीप्रति फिदा छु ।  यदि उनले सुनिरहेकी छन् भने म उनलाई भन्न चाहन्छु कि विद्या, म सिद्धार्थ भन्दा तिम्रो राम्रो हेरचाह गर्न सक्छु ।'

बलात्कार गराउन पनि तयार थिइन्

शर्लिनले दिल्ली ग्यांगरेप पीडितको मृत्युपछि दुःखी हुँदै ट्वीट गरेकी थिइन् । जसमा उनले लेखेकी थिइन्- यदि देशका सबै बालिकाको सुरक्षाको ग्यारेन्टी हुन्छ भने म आफ्नो बलात्कार गराउन तयार छु ।