आइतवार १०० अंकभन्दा बढीले घटेको शेयर बजारको मापक सूचक नेप्से सोमवार भने झिनो अंकले बढेको छ । आइतवार २७०० बिन्दुमा झरेको नेप्से सोमवार ०.०८ अंकले बढेको हो । 

सोमवार १२३ कम्पनीको शेयर मूल्य बढ्दा ८९ कम्पनीको मात्रै घटेको छ । सोमवार सबैभन्दा बढी कमाउनेमा भने बुद्धभूमि नेपाल हाइड्रोपावर कम्पनीका लगानीकर्ता छन् । 

यसका लगानीकर्ताले ८.१३ प्रतिशतले कमाएका छन् । सोमवार सपोर्ट माइक्रोफाइनान्स, नेसनल हाइड्रोपावर कम्पनी, किसान लघुवित्त वित्तीय संस्था, नेपाल हाइड्रो डेभलपमेन्टसहितका कम्पनीको शेयर मूल्य बढेको छ । 

सोमवार अधिकतम ८.१३ प्रतिशत र न्यूनतम ०.०२ प्रतिशतसम्मले १२३ वटा कम्पनीको शेयर मूल्य बढेको छ । 

सोमवार मैलुङ खोला जलविद्युत् कम्पनीको शेयर मूल्य सबैभन्दा बढी ३.८५ प्रतिशतले घटेको छ । 

प्रिमियर इन्स्योरेन्स, नेपाल इन्स्योरेन्ससहितका ८९ कम्पनीको शेयर मूल्य घटेको छ । सबैभन्दा कम मूल्य घट्नेमा भने माछापुच्छ्रे बैंकको ०.०३ प्रतिशत मात्रै रहेको छ । 

सोमवार २२७ कम्पनीको ७५ लाख ४९ हजार कित्ता शेयरको ४९ हजार पटक कारोबार भएको छ । यसबाट तीन अर्ब ६८ करोड रूपैयाँको कारोबार भएको छ ।