न्यायालय सुधारको पहल: हरिकृष्ण कार्कीको प्रतिवेदन कार्यान्वयनबारे फुलकोर्टमा छलफल

न्यायाधीश हरिकृष्ण कार्कीको संयोजकत्वमा गठित कार्यदलले बुझाएको प्रतिवेदनमाथि सर्वोच्च अदालतको फुलकोर्ट बैठकमा छलफल गरिएको छ । 

सर्वोच्च अदालतमा देखिएको विकृति, विसंगति, अन्त्यका लागि दिइएको प्रतिवेदन कार्यान्वयन कसरी गर्ने भन्ने विषयमा छलफल भएको एक न्यायाधीशले बताए । 

कायममुकायम प्रधानन्यायाधीश दीपककुमार कार्कीको अध्यक्षतामा शुक्रवार पहिलो पटक फुलकोर्ट बैठक बसेको हो । 

'यसअघि पनि उक्त प्रतिवेदनको कार्यान्वयनका विषय फुलकोर्टमा छलफलमै रहेका बेला सर्वोच्च अदालतमा उथलपुथल शुरू भयो,' ती न्यायाधीशले लोकान्तरसँग भने, 'त्यसकारण उक्त विषयमाथिको छलफल टुंगिएकै थिएन । त्यसलाई फुलकोर्टले प्रायोटाइज नगर्दै उथलपुथल भएको थियो ।' 

अब अर्को साता बस्ने फुलकोर्टको बैठकले उक्त प्रतिवेदन कार्यान्वयनका लागि कार्यतालिकासमेत बनाएर लगिने विषयमा छलफल भएको उनले बताए ।

त्यसै गरी नेपाल बार एशोसियसनले लेखेर पठाएअनुसार आइतवारदेखि अब इजलास ११ बजेदेखि नै सञ्चालन हुने भएको छ ।