स्कुटीमा भगवान शिवको अर्धनारीश्वर रुप देखेर भारत मुम्बईका मानिसहरू छक्क परे । बैजनी रङको स्कुटीमा अर्धनारीश्वरको रुप धारण गरेकी यी कलाकारले मानिसहरूमा श्रद्धा पनि जगाइन् । 

सडक चोक तथा नाकामा मानिसहरू हात जोडेर हरहर महादेव र बम बम भोलेको जयजयकार गरे । 

ती कलाकार हुन्, अभिनेत्री एकता जैन । 

एकताले महाशिवरात्रिको दिन अर्धनारीश्वरको रूप धारण गर्ने मात्र होइन, डमरु र त्रिशूलसँग नृत्य पनि गरिन् । 

भगवान शिवको आराधना गरेपछि उनी सोही रूपमै सुटिङका ​​लागि प्रस्थान गरेकी थिइन् । 

यो रूप धारण गर्न लगातार तीन घण्टा मेकअप गरिएको थियो । उनी यो लुकलाई लिएर निकै उत्साहित थिइन् । 

एकताले शगुन, साकालाका बुम बुम, फेमिली नम्बर १ र अपुन तो बस वैसा ही जस्ता टीभी शो गरिसकेकी छन् ।