शुक्रबारदेखि संवैधानिक इजलास बस्ने

लामो समयदेखि बस्न नसकेको संवैधानिक इजलास शुक्रबार (फागुन २० गते) देखि बस्ने भएको छ। सर्वोच्च अदालतका प्रवक्ता विमल पौडेलले शुक्रबारदेखि संवैधानिक इजलास बस्न लागेको जानकारी दिए । 

चोलेन्द्र शम्शेर जबरा  प्रधानन्यायाधीश हुँदा उक्त इजलास बस्न सकेको थिएन । उनीमाथि संसदमा महाभियोगको प्रस्ताव दर्ता भएपछि उक्त इजलास गठनको बाटो खुलेको हो ।

कायम मुकायम प्रधानन्यायाधीश दीपक कुमार कार्कीको अध्यक्षतामा उक्त इजलास गठन हुनेछ। उक्त इजलासमा कुन कुन न्यायाधीश रहने भन्ने कुराको भने अहिले यकिन भएको छैन।

लामो समययता संवैधानिक निकायमा भएका नियुक्ति विरुद्ध परेका मुद्दा विचाराधीन छन्।