मिजोरमकी एक बालिका युट्युबमा सुपरस्टार बनेकी छन् ।  जसको स्वरको फ्यान भारतका प्रधानमन्त्री नरेन्द्र मोदी पनि हुन् । 

ती बालिका हुन्, मिजोरमको लुंगलेईकी एस्टर हनामते, जसको बन्दे मातरम् गीत दुई वर्ष पहिले ट्विटरमा पीएम मोदीले रिट्वीट गरेका थिए । 

यो गीतले अहिले नयाँ रेकर्ड बनाएको छ । यो गीतलाई युट्युबमा हालसम्म १३ करोड मानिसले हेरिसकेका छन् ।

गाइसकेकी छन् दर्जनौं गीत 

हनामते मात्र ५ वर्षकी भए पनि उनको युट्युबमा अफिसियल पेजलाई ५.६२ लाखले फलो गरेका छन् । 

एस्टरले हालसम्म दर्जनौं गीत गाइसकेकी छन् । तीमध्ये सबैभन्दा बढी चर्चा उनको बन्देमातरम् गीतले पाएको छ, जसको भिडियो अहिलेसम्म १.३ करोड मानिसले हेरिसकेका छन् । 

चर्चित गायक-संगीतकार एआर रहमानको मौलिक गीतको यो रिमेक २०२० मा युट्युबमा रिलिज भएको थियो । भिडियोमा एस्टरले हातमा भारतीय झण्डा 'तिरंगा' लिएर विद्यालयको मैदानको बीचमा उभिएर गीत गाउँदै गरेकी देखिन्छिन् । गीतमा उनीसँगै अन्य बालबालिकाले पनि तिरंगा फहराइरहेका छन् ।