नेपाली कांग्रेसका नेता प्रदीप पौडेलले काठमाडौंका मेयर उम्मेदवार केशव स्थापितले चुनावी फाइदाका लागि मधेशको आत्मसम्मानमा चोट पुर्‍याएको बताएका छन् । 

सामाजिक सञ्जाल फेसबुकमा लेख्दै उनले चुनावी फण्डाका लागि मधेशको आत्मसम्मानमा चोट पुर्‍याएको बताएका हुन् । 

‘साम्प्रदायिक घृणा र ध्रुवीकरणको यो घिनलाग्दो खेल केपी ओलीले पहिल्यै खेलिसक्नु भएको हो, महिलामाथि त सार्वजनिक मञ्चमै हिंसा भइरहेको छ,’ उनले लेखेका छन्, ‘हिंसा, विद्वेष, सिद्धान्तहीनता र अवसरवाद काठमाडौंको रोजाइ  हुन सक्दैन । हावा गफ त ओलीजीबाटै टन्न अघाउने गरी सुनिसकेका छौँ ।’

एमालेबाट मेयरका उम्मेदवार बनेका स्थापितले स्वतन्त्र उम्मेदवार बालेनलाई ‘अन्तर्राष्ट्रिय ठग’ र मधेशी भएर आफूलाई ठकुरी भनेको आरोप लगाएका थिए ।