राष्ट्रपति विद्यादेवी भण्डारीले कोरोना संक्रमणविरुद्धको उपचारका लागि सरकारले हरसम्भव प्रयास गरेको बताएकी छन् । 

संघीय संसदको दुवै सदनको संयुक्त बैठकमा सरकारको नीति तथा कार्यक्रम पेश गर्दै उनले हालसम्म ९६ प्रतिशत लक्षित समुदायलाई कोरोनाविरुद्धको पहिलो खोप, ८५ प्रतिशत पूर्ण खोप लगाइसकिएको बताएकी हुन् । 

करीब ३८ लाख नागरिकलाई खोपको अतिरिक्त मात्रा लगाइएको उनले बताएकी छन् । 

त्यसै गरी स्वास्थ्य पूर्वाधारको व्यवस्था, औषधि, अक्सिजन सिलिन्डर, स्वास्थ्य सामग्रीसहित तीनै तहको सरकारबाट जनशक्ति परिचालित गरिएको उनले बताइन् ।