मंसिर १४, २०८०
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
सरकारले लोकप्रिय नीतिलाई समावेश गरेर आगामी आर्थिक वर्ष २०७९/८० को नीति तथा कार्यक्रम सार्वजनिक गरेको छ ।
संघीय संसदको संयुक्त सदनलाई सम्बोधन गर्दै राष्ट्रपति विद्यादेवी भण्डारीले सरकारको नीति तथा कार्यक्रम सार्वजनिक गरेकी हुन् ।
सरकारले केही नयाँ र केही लोकप्रिय कार्यक्रम घोषणा गरेको छ । सरकारले ल्याएको नीति तथा कार्यक्रममा अघिल्लो सरकारले घोषणा गरेको कतिपय लोकप्रिय कार्यक्रमलाई पनि निरन्तरता दिएको छ ।
अघिल्लो सरकारले ल्याएको प्रधानमन्त्री रोजगार कार्यक्रमको पुनःसंरचना गर्ने घोषणा सरकारले गरेको छ ।
संविधानको अनुसूचीमा उल्लेख भएको तीनै तहको अधिकार सम्बन्धी विस्तृत प्रतिवेदन पुनरावलोकन गर्ने भएको छ । संघीयता बलियो बनाउने गरी ३ वटै तहका सरकारबीच स्रोतको बाँडफाँट गरिने सरकारको नीति तथा कार्यक्रममा उल्लेख छ । सरकारले संघ, प्रदेश र स्थानीय तहको अधिकार सम्बन्धी विस्तृत प्रतिवेदन पुनरावलोकन गर्ने भनेको छ ।
लामो समयदेखि जग्गाधनी प्रमाणपुर्जा नपाएका २३ हजार ५९१ जनालाई जग्गाधनी प्रमाणपुर्जा आगामी आर्थिक वर्षभित्रै उपलब्ध गराउने योजना सरकारले ल्याएको छ ।
सरकारले आगामी आर्थिक वर्षमा ८०० किलोमिटर सडक निर्माण र २०० किलोमिटर सडक स्तरोन्नति गर्ने कार्यक्रम सार्वजनिक गरेको छ ।
रेल योजनालाई निरन्तरता
आगामी आर्थिक वर्ष २०७९/८० मा विराटनगर सुक्खा बन्दरगाहसम्म कार्गोरेल सञ्चालन गर्ने घोषणा पनि सरकारले गरेको छ ।
पूर्वपश्चिम विद्युतीय रेलमार्ग विकास आयोजनाको पूर्व तयारी गरिने, बहुचर्चित रसुवागढी–काठमाडौं रेलमार्गको सम्भाव्यता अध्ययन गरिने कार्यक्रमलाई आगामी आर्थिक वर्षमा निरन्तरता दिइने भएको छ ।
वीरगञ्जदेखि काठमाडौंसम्म रेलमार्ग र काठमाडौं उपत्यकामा मेट्रो रेलको विस्तृत अध्ययन गरिने कार्यक्रम सरकारले ल्याएको छ ।
जलविद्युतमा महत्त्वाकांक्षी योजना
सरकारले आगामी आर्थिक वर्षका लागि जलविद्युत् क्षेत्रको लोकप्रिय र महत्त्वाकांक्षी योजना ल्याएको छ । नीति तथा कार्यक्रममार्फत सरकारले बहुचर्चित बुढीगण्डकी जलविद्युत् आयोजना स्वदेशी लगानीमै बनाउने घोषणा गरेको छ ।
यसअघि चिनियाँ कम्पनीलाई दिइएको आयोजना वर्तमान सरकारले फिर्ता लिएको थियो ।
आगामी आर्थिक वर्षमा पश्चिम सेती आयोजना, तल्लो अरुण परियोजना र सेती रिभर–६ जलविद्युत् आयोजनाको निर्माण कार्य शुरू गर्ने घोषणा सरकारले गरेको छ ।
सरकार र निजी क्षेत्रको लगानीका बनिरहेका जलविद्युत् आयोजना सम्पन्न गरेर आगामी आर्थिक वर्षमा ७१५ मेगावाट विद्युत् राष्ट्रिय प्रसारण प्रणालीमा जोड्ने कार्यक्रम सरकारले ल्याएको छ ।
त्यसबाहेक विद्युत् खपत बढाउन र खाना पकाउने ग्यासको प्रयोग घटाउन विद्युत् महसुल दर पुनरावलोकन गरिने घोषणा पनि सरकारले गरेको छ ।
नेपाल र भारतले संयुक्त रूपमा जारी गरेको उर्जा विकास सम्बन्धी दीर्घकालीन अवधारणा बमोजिम विद्युत् उत्पादन प्रसारण प्रणाली विस्तार, द्विपक्षीय विद्युत् व्यापार, दुवै देशका राष्ट्रिय प्रसारण लाइनको समन्वयत्मक उपयोग र संस्थागत क्षेत्रमा भएका अवसरको उपयोग गरिने नीति सरकारले लिएको छ ।
आगामी २ वर्षभित्र सबै स्थानीय तहमा विद्यतीकरण गर्न, उत्पादन वृद्धि गर्न लगानी वृद्धि गर्ने घोषणा सरकारले गरेको छ ।
जलासययुक्त तथा नदी वेसिनमा आधारित आयोजनालाई जोड्ने गरी ४०० केभीए क्षमताका राष्ट्रिय तथा अन्तरदेशीय विद्युत् प्रसारण लाइन विस्तार आगामी आर्थिक वर्षबाट शुरू गरिने सरकारको कार्यक्रममा उल्लेख छ ।
विद्युत् वितरण भरपर्दो बनाइने, हरित ऊर्जाको प्रयोगलाई प्रोत्साहन गर्ने, विद्युतीय सवारीसाधनको प्रयोगलाई प्रवद्र्धन गर्न चार्जिङ स्टेसन स्थापनामा लगानी गर्ने कार्यक्रम सरकारले ल्याएको छ ।
विपन्न वर्गका लागि निःशुल्क विद्युतीय मिटर जडान गर्ने कार्यक्रम सरकारले पनि ल्याएको छ ।
उत्पादन र उपभोग अभिवृद्धि दशक घोषणा
सरकारले आगामी आर्थिक वर्षमा उपभोग अभिवृद्धि दशक अभियान सञ्चालन गर्ने भएको छ । आर्थिक वर्ष २०७९/८० को सरकारको नीति तथा कार्यक्रममा यस्तो अभियान सञ्चालन गर्ने उल्लेख छ ।
यस्तो अभियानका लागि सरकारले ‘नेपाली उद्योग नेपालमै रोजगार, आफ्नो उत्पादन आफ्नै व्यापार’ भन्ने नारा तय गरेको छ ।
यसका लागि कर तथा भन्सार महसुल छुट दिने, प्रतिस्पर्धी सीप विकास गर्ने, साझा भौतिक पूर्वाधार विकास, प्रक्रियागत सरलीकरणलाई निरन्तरता दिइने लगायतको नीति सरकारले ल्याएको छ ।
त्यसबाहेक निजी क्षेत्रबाट सञ्चालिन मेक इन नेपाल र मेड इन नेपाल लगायतका कार्यक्रमलाई सरकारले सहयोग गर्ने नीति तथा कार्यक्रममा उल्लेख छ ।
कृषिः आर्थिक वृद्धिको संवाहक
सरकारले आगामी आर्थिक वर्षमा रासायनिक मलको आपूर्ति सुनिश्चित गर्ने बताएको छ । गुणस्तरीय प्रांगारिक मलमा रासायनिक मलमा जत्तिकै अनुदान उपलब्ध गराइने कार्यक्रम ल्याएको छ ।
धान, मकै, प्याज, स्याउ, ओखरजस्ता बढी आयात हुने वस्तुको उत्पादन गर्न विशेष कार्यक्रम सञ्चालन गर्ने सरकारको कार्यक्रम छ ।
सरकारले कृषिमा सूचना र प्रविधिको प्रयोग बढाउँदै सरकारले बाँझो जमिनमा सामूहिक खेती प्रवर्द्धन गर्ने उद्घोष गरेको छ । रबर खेतीका लागि विशेष योजना ल्याउने सरकारले घोषणा गरेको छ ।
सरकारले सिँचाइमा खपत हुने विद्युत्मा सहुलियत बढाउने योजना ल्याएको छ ।
सरकारले कृषिलाई आर्थिक वृद्धि र रोजगारीको प्रमुख संवाहकका रूपमा परिचालन गर्ने भएको छ । कृषि क्षेत्रको आधुनिकीकरण गरी आर्थिक वृद्धिको आधार बलियो बनाइने सरकारले तयारी गरेको छ ।
भूमि व्यवस्थापनमा चासो
सरकारले आगामी २ वर्षभित्र भूमिहीनका समस्या समाधान गर्ने भएको छ । आगामी वर्षको नीति तथा कार्यक्रममार्फत २ वर्षभित्र भूमिहीन सुकुम्वासी र अव्यवस्थित बस्तीको व्यवस्थापन गरिने योजना सार्वजनिक गरेको छ ।
सरकारले मुक्तकमैया र मुक्त हुन बाँकी हरुवा, चरुवाका लागि स्थानीय तहले रोजगारी र क्षमता विकासका कार्यक्रम सञ्चालन गर्ने कार्यक्रम सरकारले सार्वजनिक गरेको छ ।
जग्गा नापजाँच गर्न छुट भएका जग्गाको जग्गाधनी पुर्जा उपलब्ध गराउने, भू–उपयोग नीति र कानूनअनुसार भूमि वर्गीकरण गरी संघ, प्रदेश र स्थानीय तहको भू–उपयोग योजना तयार गरिने कार्यक्रम सरकारले सार्वजनिक गरेको छ ।
आयोजनाका लागि जग्गा प्राप्ति सहज बनाउने र तोकिएको उद्योगका लागि हदबन्दीको सीमा पुनरावलोकनका लागि कानूनी सुधार गर्ने घोषणा पनि सरकारले गरेको छ ।
निजी क्षेत्रले उद्योग स्थापनाको लागि जमिनको हदबन्दी नलाग्ने व्यवस्था गर्ने भएको छ । नीति तथा कार्यक्रममा उद्योगलाई हदबन्दी लाग्ने व्यवस्था संशोधन गर्ने उल्लेख छ ।
वित्तीय क्षेत्र सुधारका योजना
सरकारले डिजिटल बैंकिङको अवधारणा अनुसार राष्ट्रिय भुक्तानी प्रणाली सुदृढ गर्दै सबै वित्तीय कारोबारलाई विद्युतीय माध्यमबाट गर्ने भएको छ ।
सरकारले विदेशबाट रेमिटेन्स पठाउनेहरूका लागि थप अनुदान दिएर प्रोत्साहित गर्न योजना ल्याउने राष्ट्रपति भण्डारीले बताइन् । सरकारले आगामी वर्षमा नेपालको क्रेडिट रेटिङ सम्पन्न गर्ने भनेको छ ।
सरकारले अर्थतन्त्रको मुहार भनेर चिनिने शेयर बजारलाई विकास गर्ने भएको छ । पुँजी बजारमा देखिएका विकृतिलाई हटाउनका लागि नयाँ कम्पनीलाई शेयर बजारमा ल्याउने नीति सरकारले ल्याएको छ । पुँजी बजारका नियामक निकायको क्षमता बढाउन काम गर्ने घोषणा पनि सरकारले गरेको छ ।
समान प्रकृति र एउटै उद्देश्य भएका सहकारी कोषलाई एकआपसमा गाँभी दक्षतापूर्वक सञ्चालन गर्ने नीति पनि सरकारले सार्वजनिक गरेको छ ।
लामो समयदेखि बन्द हुँदै आएका उद्योगहरू पुनः सञ्चालनमा ल्याउने घोषणा सरकारले गरेको छ । सरकारले सार्वजनिक खर्च व्यवस्थापनलाई नतिजामुखी बनाउन नयाँ कानून बनाउने घोषणा गरेको छ ।
सरकारले ‘एक घर एक धारा’ कार्यान्वयनमा ल्याउने भएको छ । खानेपानी आयोजनामा जनश्रमदान सम्बन्धी नीतिको पुनरावलोकन गर्ने कार्यक्रम ल्याएको छ ।
आगामी आर्थिक वर्षमा ४ लाख ६३ हजार घरमा मध्यम तथा उच्चस्तरको खानेपानी पुर्याइने योजना सरकारले ल्याएको छ । आगामी आवमा १२ शहरमा एकीकृत खानेपानी तथा फोहोर पानी प्रशोधनको शुरूआत गर्ने कार्यक्रम पनि सरकारले सार्वजनिक गरेको छ ।
हेर्नुहाेस सरकारकाे नीति तथा कार्यक्रमकाे पूर्णबाट
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...