प्रहरी अतिरिक्त महानिरीक्षक (एआईजी) उत्तमराज सुवेदीको केन्द्रीय अनुसन्धान ब्यूरो (सीआईबी) मा सरूवा भएको छ ।

सोमवार मन्त्रिपरिषद्को बैठकले बढुवा गरेसँगै एआईजी सुवेदीले सीआईबीको नेतृत्व पाएका हुन् । 

यसअघि काठमाडौं उपत्यका प्रहरी कार्यालयमा रहेका सुवेदीले सुदूरपश्चिम प्रदेश, जिल्ला प्रहरी परिसर काठमाडौंलगायतको कमाण्ड सम्हालेका थिए ।

सरकारले सोमवार उत्तमराज सुवेदी, अरुणकुमार वीसी, मुकुन्द आचार्य, पुजा सिंह, दिवेश लोहनीसहित ५ जना डीआईजीलाई एआईजीमा बढुवा गरेको थियो ।

यस्तै एआईजी​ रविन्द्रबहादुर धानुकलाई काठमाडौं उपत्यका प्रहरी कार्यालय रानीपोखरी प्रमुखको जिम्मेवारी दिइएको छ । 

प्रहरीका महत्त्वपूर्ण मानिने यी अड्डाले एक महिनापछि नेतृत्व पाएका हुन् ।