माओवादी केन्द्रका नेता नारायणकाजी श्रेष्ठले एसपीपी सदाका लागि अस्वीकार गर्ने घोषणा गरिनुपर्ने बताएका छन् । उनले अमेरिकाले भनेजस्तो एसपीपी बिपद जस्ता विषयमा साझेदारी कार्यक्रम नभएर मूलतः रणनीतिक सैन्य साझेदारी भएको उनको भनाइ छ । 
‘एसपीपी प्रकरणमा दुई कुराः एक, यो अमेरिकाले भनेजस्तो बिपद जस्ता बिषयमा साझेदारी कार्यक्रम नभएर मूलतः रणनीतिक सैन्य साझेदारी हो र यसलाई सदाका लागि अस्विकार गर्ने घोषणा गरिनु पर्दछ। दुई, यस सम्बन्धमा धेरै विरोधाभास र आशंकाको स्थिति देखापरेकाले पूर्ण तथ्यसहित श्वेतपत्र जारी गरिनु पर्दछ।’

उनले एसपीपी जस्ता नेपालको सार्वभौमिकता विरुद्ध रहेका र भूराजनीतिक संवेदनशीलतालाई उपेक्षा गर्ने कुनै सन्धी  सम्झौता नमान्ने र नगर्ने नेपाली सेनाको स्पष्टोक्ति प्रशंसनीय रहेको बताएका छन् । तर यस सम्बन्धी विवरणात्मक तथ्यहरूमा २ दिनमा २ कुरा आउनु राम्रो नभएको उनको टिप्पणी छ । यस्ता गम्भीर विषयहरुमा बोल्दा समयमै ध्यान दिन उनले सुझाव दिएका छन्।  
·
श्रेष्ठले सरकार, पार्टी र नेताहरु राष्ट्रिय सार्वभौमिकतासँग जोडिएका विषयहरुमा समेत गम्भीर नभएको श्रेष्ठले ट्वीटरमार्फत आरोप लगाएका छन् ।