नेपाली कांग्रेसका महामन्त्री गगन थापाले जित्दै आएको काठमाडौं ४ बाट प्रबेन्द्र पोखरेल (आकर्षण)ले स्वतन्त्र उम्मेदवारी घोषणा गरेका छन् ।

राजधानी शहर रहेको काठमाडौं क्षेत्र नम्बर ४ का समस्या समाधान गर्न आफूले उम्मेदवारी घोषणा गरेको पोखरेलले बताएका छन् । 

इन्जिनियर पोखरेलले पाँच वर्षको तयारीपछि उम्मेदवारी घोषणा गरेको बताएका हुन् । ‘हामी राजनीति र विकासको परिभाषा बदल्न चाहन्छौं र व्यवहारमा उतार्न चाहन्छौं,’ आफ्नो उम्मेदवारीको औचित्यबारे पोखरेलले भने । 

पोखरेलको टीमले ‘देशका लागि दश विकल्प, अब निर्विकल्प’ भन्ने नारासहित काठमाडौं ४ र देश विकासका लागि घोषणापत्र सार्वजनिक गर्ने बताएको छ ।

चुनावपछि प्रधानमन्त्री बन्न कोसिस गर्ने बताएका नेपाली कांग्रेसका महामन्त्री थापाको क्षेत्रमा उम्मेदवारी घोषणा गरेका पोखरेलले सुशासन, विकासबारे राष्ट्रिय  र अन्तर्राष्ट्रिय अनुभव अवलोकन गरिरहेको बताएका छन् । 

काठमाडौं ४ का बहालवाला सांसद थापाले हालै एक टेलिभिजन कार्यक्रममा मंसिरमा हुने चुनावपछि प्रधानमन्त्रीका लागि 'अटेम्प्ट' गर्ने बताएका थिए । 

यस्तो छ, पोखरेलले सार्वजनिक गरेको विज्ञप्ति