विवेकशील साझा पार्टीका पूर्वअध्यक्ष रविन्द्र मिश्रले नयाँ पार्टी घोषणा गरेका रवि लामिछानेलाई शुभकामना दिएका छन् । 

पत्रकारिता छाडेर सक्रिय राजनीति शुरू गरेका रविलाई उनले आफूहरूले गरेका कमजोरीबाट धेरै कुरा सिक्न पनि आग्रह गरेका छन् । 

‘पार्टी निर्माणको क्रममा हामीले गरेको कमजोरीबाट धेरैभन्दा धेरै सिक्ने प्रयास गर । तिम्रो सफलताका लागि हृदयदेखि शुभकामना व्यक्त गर्दछु,’ उनले फेसबुकमा लेखेका छन् । 

साथै उनले आशा गरेका थोरै मान्छेमा रवि पर्ने पनि बताएका छन् । ‘तिमी सानै हुँदादेखि चिनेकोले मैले 'तिमी' भनेर सम्बोधन गर्ने थोरै मान्छेमा पर्छौं तिमी । मैले आशा गरेको थोरै मान्छेमा पर्छौ तिमी,’ उनले लेखेका छन् । 

रविले मंगलवार राष्ट्रिय स्वतन्त्र पार्टीको घोषणा गरेका छन् ।