शुक्रवारदेखि प्रदर्शनमा आउने तयारीमा रहेको चलचित्र ‘दोख’ को अग्रिम टिकट बुकिङ खुला गरिएको छ ।

अनुप बराल निर्देशित यस चलचित्रको मंगलवारदेखि मल्टिप्लेक्स हलहरूमा टिकट बुकिङ खुला गरिएको हो ।

यो चलचित्र हेर्न चाहने दर्शकले अनलाइनमार्फत आफूलाई पायक पर्ने हलको टिकट बुक गर्न सक्नेछन् ।

‘दोख’ सशस्त्र द्वन्द्वको पृष्ठभूमिमा निर्माण गरिएको चलचित्र हो ।

सशस्त्र द्वन्द्वको पृष्ठभूमिमा दुई गाउँलेबीच सामुदायिक वनको झगडालाई लिएर चलचित्र बनेको छ ।

राजन कठेतको कथा रहेको चलचित्रमा दीया मास्के, मनिष निरौला, माओत्से गुरुङ, लोकमणि सापकोटा, राज थापा काउछा, रोय दिभ, कमल देवकोटा, सुरज मल्ल, साजन थापा मगर लगायतको अभिनय छ ।

सविन ज्ञवाली र  मनोज अधिकारी निर्माता रहेको चलचित्रमा भीम न्यौपाने, ओम गुरुङ, रञ्जु वाग्ले थापा कार्यकारी निर्माताको रुपमा छन् ।

शैलेन्द्र डी. कार्कीको छायांकन रहेको फिल्मलाई निमेष श्रेष्ठले सम्पादन गरेका हुन् । चलचित्र सोमवार सेन्सर पास भइसकेको छ ।