जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले अहिले पनि बहुमत सदस्य आफूहरूसँग रहेको दाबी गरेका छन् ।

मंगलवार काठमाडौंमा आफूपक्षीय केन्द्रीय परिषद् सदस्यहरूलाई सम्बोधन गर्दै भट्टराईले आफूहरूसँग बहुमत रहेको दाबी गरेका हुन् । 

मंगलवारको बैठकमा ४६ प्रतिशत केन्द्रीय सदस्य उपस्थित रहेका छन् । जसपाको ४९९ सदस्यीय केन्द्रीय समितिका २३० जना उपस्थित रहेका जसपा केन्द्रीय सदस्य विश्वदीप पाण्डेले जानकारी दिए ।

नेता भट्टराईले वैकल्पिक भनिएको पार्टीभित्र स्वेच्छाचारिता र मतपरीतन्त्र हाबी भएकाले यसको पुनर्गठनको आवश्यकता महसूस गरिएको दाबी गरे । भट्टराईले मंगलवारै बन्दसत्रमा ‘पार्टीको रूपान्तरण र पुनर्गठन’बारे राजनीतिक प्रतिवेदन पेश गर्दैछन् ।