मंसिर ७, २०८०
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
मंगलवार दिउँसोको करीब २ बजेपछिको कुरा हो । रिङरोडबाट स्वयम्भूतर्फ हेर्दा आदिकवि भानुभक्त आचार्य जस्तै सालिक देखियो ।
अगाडि बढेर नजिकै गएर हेर्दा युवायुवतीहरू सेल्फी खिच्दै टिकटक बनाइरहेका थिए । मैले पनि भिडियो खिच्न शुरू गरेँ ।
करीब आधा घण्टापछि त्यो मूर्ति मान्छे जस्तै अलिकति चलेर अर्को पोजिसनमा फेरि नहल्लिकन उभियो । केही समयपछि मैले त्यो मूर्तिको कानमा गएर कुराकानी गर्ने अनुमति मागेँ । त्यसको १५ मिनेटपछि उनी मसँग कुरा गर्न तयार भए ।
‘सिल्भर म्यान’ नामले परिचित उनले ठट्यौली पारामा भने, ‘कसैले पानी छ्यापिदिन्थे, कसैले धकेलिदिन्थे, कसैले नाक तानिदिन्थे, कसैले गाला चिमोटिदिन्थे । केटीहरूले त चुम्मा खाएर फोटो पनि खिचेका छन् अनि टिकटक बनाएका छन् । बुटवलमा त १ जना बहिनी बेहोस नै हुनुभयो ।’ मंगलवार दिउँसो स्वयम्भू पुगेर सिल्भर म्यानसँग कुरा गर्दा उनले खुलस्तै कुरा गरे ।
‘पहिला मूर्ति जस्तो बनेर बसेको थिएँ, एक्कासि अलिकति चल्देको एउटा बहिनी चिच्याएर भागिन् अनि अर्को बहिनी त बेहोस भएर ढल्नुभयो, धेरै डर लाग्यो मलाई,’ सिल्भर म्यान उर्फ दावा लामाले लोकान्तरसँगको कुराकानीमा भने ।
सिन्धुपाल्चोकमा जन्मेका उनी बसाइसराइ गरी कैलाली पुगेका रहेछन् । अहिले उनी टिकटक, यूट्युबतिर सिल्भर म्यानले परिचित छन् तर उनको असली नाम दावा लामा हो ।
दैनिक दिउँसो २ बजेपछि स्वयम्भूको गेटमा आदिकवि भानुभक्त आचार्यको रूपमा मूर्ति जस्तै बनेर साँझ ५ बजेसम्म बस्ने गरेको लामाले बताए । उनीसँग फोटो खिचेर टिकटक बनाएर खुशी भएपछि केही रकम ‘डोनेट बक्स’मा हालेर जाने गरेका उनले बताए ।
शनिवार स्वयम्भू क्षेत्रमा उनलाई हेर्न धेरै भीड लाग्ने गरेको छ । ‘मेला जस्तै हुन्छ । भीड धेरै बढ्दा बस्न गाह्रो हुने भएकाले त्यसदिन पशुपति गएर बस्ने गरेको छु,’ उनले लोकान्तरसँगको कुराकानीमा भने ।
लामो समयसम्म नहल्लिई मूर्ति जस्तो बनेर बस्ने गरेकोबारे उनले भने, ‘प्रायःजसो यूट्युब हेरेर यस्तो गर्न सिकेको हुँ । चाइनिज कलाकारको भिडियोहरू एक वर्षसम्म हेरें । म पनि सक्छु होला भनि घरमै आफैंले श्वास रोकेर नहल्लिई करीब ६ महिनासम्म कोसिस गरें । त्यसपछि सुदूरपश्चिम महोत्सवमा गएर मूर्ति बन्न कोसिस गरें । त्यसबेला बढीमा डेढ घण्टा मात्र सक्थें । अहिले गर्दागर्दा प्राक्टिस भएर दैनिक ५ घण्टासम्म नहल्लिई मूर्ति जस्तै उभिन सक्छु,’ लामाले भने ।
उनले थप्दै भने, ‘मेरो सानो होटल थियो । त्यहाँ म आफैं कुकिङ गर्थें । दिनभरजसो उभिएर राइस, चाउमिन, मम बनाउँथें अनि खाना पनि उभिएर नै खान्थें । त्यही भएर नै म सक्सेस भएको हुँ,’ लामाले भने, ‘दर्शक पनि रमाइलो गर्नुहुन्छ । टिकटक बनाउनुहुन्छ । मलाई पनि असाध्यै रमाइलो लाग्छ । म यो कामले खुशी छु ।’
दिनभर बस्दा दैनिक ३ हजार रुपैयाँ कमाइ हुने गरेको भए पनि अहिले वर्षातको मौसम भएकाले १ हजारदेखि १ हजार ५०० रुपैयाँ मात्र हुने गरेको उनले बताए । ‘तर कमाएको केही रकम गरीबदुःखीलाई चामल, दाल, तेल, नून दिएर बाँड्ने गरेको छु,’ उनले भावुक हुँदै भने, ‘मैले गलैचामा पनि काम गरें । ठेलामा मःम पनि बेचें । चाबहिलको पेटीमा राति सुत्दा पुलिसले पिटेर लखेटेर भगायो । सानैदेखि धेरै दुःख पाएँ । केही नभएपछि यो मूर्ति बन्ने काम गरेको हुँ ।’ त्यो पनि प्रहरीले कहिलेकाहीँ दुःख दिने गरेको उनले गुनासो पोख्दै भने ।
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
गत शनिवार दिउँसो चन्द्रागिरि नगरपालिका वडा नम्बर ४ पानीघाटका तिलक लामा घरबाहिर घाम तापेर बसिरहेका थिए । उनको आँखा एक्कासि घर पारिको सेतोभीरमा पर्यो, जहाँ उनले गाडी गुल्टिरहेको देखे । गाडी तल...
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ । सरकारी मर्यादाक्रममा मुख्यसचिव ...
गोठाटारमा रहेको कृष्ण मन्दिर भारतको गुजराको नवतमपुरी धाम शैलीमा निर्माण भएको मन्दिर हो । नवतनधामका नामले परिचित यो मन्दिरमा प्रणामी धर्म मन्ने भक्तजनको भीड लाग्ने गर्दछ । श्रीकृष्ण जन्माष्टमीका...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...