निवर्तमान अर्थमन्त्री जनार्दन शर्माले बजेट निर्माणमा अनधिकृत व्यक्ति संलग्न नरहेको दाबी गरेका छन् । 

सोही विषयमा छानबिन गर्न बनेको संसदीय समितिलाई बिहीवार बिहान बयान दिँदै उनले अनधिकृत व्यक्ति संलग्न नरहेको बताएका हुन् । 

संसदीय छानबिन विशेष समितिको बैठकमा उनको बयान जारी छ । 

 आर्थिक वर्ष २०७९/८० को बजेट निर्माणका क्रममा अनाधिकृत व्यक्तिलाई संलग्न गराई करको दर हेरफेर गरेको आरोप लागेपछि शर्माले २२ असारमा अर्थमन्त्री पदबाट राजीनामा दिएका थिए । 

सोही दिन सरकारले बजेट प्रकरणबारे छानबिन गर्न ११ सदस्यीय समिति गठन गरेको थियो । 

सो समितिले विभिन्न व्यक्तिहरूसँग सोधपुछ गर्ने क्रममा निवर्तमान अर्थमन्त्री शर्मासँग बिहीवार सोधपुछ गरेको हो ।