अमेरिकामा ‘फुलबुट्टे सारी लाएर’ बोलको तीज गीत तयार भएको छ । 

तीज नजिकिँदै जाँदा सफक काउन्टी नेपाली समाज न्यूयोर्कको प्रस्तुतिमा गीत तयार भएर सार्वजनिक भएको हो । 

अग्रज लोकगायक बिमल डाँगीको युट्युबमार्फत गीत सार्वजनिक भइसकेको छ । 

‘पानसमा बत्ति बालेको’, ‘फापरको पिठो पठाइदेऊ आमा’ जस्ता चर्चित गीतका सर्जक एवं गायक डाँगीसँगै गीतमा सरिता डाँगी र मधुर गिरीले स्वर दिएका छन् ।

बिमल डाँगीकै लय रहेको गीतका शब्द मधुर गिरीले कोरेका हुन् भने विनोद बाजुरालीले गीतको एरेन्ज गरेका हुन् । 

चर्चित कोरियोग्राफर गोविन्द राईको निर्देशनमा अमेरिकामै छायाँकन गरिएको भिडियोमा झण्डै तीन दर्जन कलाकारहरूको अभिनय छ । 

सरिता डाँगी, यन्सरी गुरुङ्ग, बबिता डाँगी, रचना रानाभाट, अमृता ज्ञावली, दिलु राई, अन्जु गुरुङ्ग, मन्जु गुरुङ्ग, सुशिला ज्ञवाली, सावित्री न्यौपाने, मन्जु गैरे, शारदा के.सी., सुजिता श्रेष्ठ, माधुरी कार्की, सबिना दवाडी, गीता ढकाल, रुथमान गुरुङ्ग, रबिन गुरुङ्ग, दिनेश डाँगी, बरुण रानाभाट, दिनेश बस्नेत, रामकृष्ण भाट, अर्जुन कुमार कार्की, बद्री डाँगी, राम बिष्ट, बिजेन्द्र थिङ्ग, पूर्ण छन्त्याल, केशब थापा, कर्मा शेर्पा, खिम हमाल, बुद्धिमान तामाङ्ग, गोविन्दराज फुलारा, दिल पुन, टिका छन्त्याल लगायतलाई प्रस्तुत गरिएको छ । 

शम्भु मोक्तानको छायाँकन रहेको भिडियो बिनोद बमको सम्पादनपछि युट्युबमा सार्वजनिक भएको हो ।

आफ्नो कला संस्कृतिलाई जहाँ रहेपछि जगेर्ना गर्नुपर्छ भन्ने उद्देश्यले गीत तयार पारिएको जनाइएको छ ।

केही दिनअघि सार्वजनिक गीतलाई लिएर युट्युबमा सकारात्मक प्रतिक्रिया आएका छन् ।