बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन विधेयक) २०७९ पेश गरेर प्रतिनिधि सभा बैठक एक साताका लागि स्थगित भएको छ । मंगलवार बसेको बैठकमा कानून, न्याय तथा संसदीय मामिला मन्त्री गोविन्द शर्मा कोइरालाले विधेयक टेबल गरेका हुन् । उनले संक्रमणकालीन मुद्दा टुंगाउनको लागि सरकारले नयाँ विधेयक ल्याएको बताए । 

संक्रमणकालीन न्याय सम्बन्धी विधेयक टेबुल गर्ने बैठकमा माओवादी केन्द्रका अध्यक्ष पुष्पकमल दाहाल ‘प्रचण्ड’ पनि उपस्थित थिए । यो विधेयकप्रति प्रमुख प्रतिपक्षी दल नेकपा एमालेले विरोध जनाउँदै आएको छ । विधेयक टेबुल गरेर प्रतिनिधि सभा बैठक भदौ १३ गते सोमवारसम्मका लागि स्थगित भएको छ ।