नेपाली कांग्रेस सोलुखुम्बुले प्रतिनिधि सभाको प्रत्यक्ष निर्वाचनतर्फ केन्द्रीय सदस्य आङ गेलु शेर्पाको एकल नाम सिफारिस गरेको छ । आइतवार बसेको कांग्रेस जिल्ला कार्य समिति बैठकले प्रतिनिधि सभातर्फ शेर्पाको एकल नाम सिफारिस गरेको हो । जिल्ला कार्य समिति, महाधिवेशन प्रतिनिधि, प्रदेश अधिवेशन प्रतिनिधि र प्रदेश सभा क्षेत्रीय सभापतिहरूको संयुक्त बैठकले प्रतिनिधि सभा र प्रदेश सभातर्फ उम्मेदवारहरूको नाम सिफारिस गरेको हो । 

यसअघि तीनपटक प्रतिनिधि सभा र एकपटक संविधान सभाको निर्वाचनसमेत जितेका बलबहादुर केसीलाई समानुपातिक तर्फ सिफारिस गरिएकाे छ । समानुपातिकतर्फ उनीसहित आठ जनाकाे नाम सिफारिस गरिएको छ । केसीले २०४८ यताको सबै संसदीय निर्वाचनमा टिकट पाउँदै आएका थिए । 

प्रतिनिधि सभा समानुपातिकतर्फ पुरुषोतम बस्नेत, गोकर्ण राई, प्रभुराम बस्नेत, प्रकाशसिंह कार्की, आङछिरिङ शेर्पा, धर्म नेपाली र राधिका श्रेष्ठको नाम सिफारिस गरिएको छ । 

प्रदेश सभातर्फ पनि कांग्रेसले उम्मेदवारहरूको नाम सिफारिस गरेको छ । 

प्रदेश सभा ‘क’ मा प्रत्यक्षतर्फ विनोद बस्नेत, भलाकाजी कुलुङ, गणेश बस्नेत, कुसराज राई, रोसन थुलुङ, भेषकुमार बास्तोला र थिरबहादुर बस्नेतको नाम सिफारिस गरिएको जिल्ला सभापति नाम्गेलजाङ्बु शेर्पाले जानकारी दिए । 

त्यस्तै, प्रदेश सभा ‘क’ को  समानुपातिकतर्फ छत्रध्वज बस्नेत, नातिकाजी गुरुङ, सरला नाछिरिङ, गीता गुरुङ, रिना उप्रेती केसी, जीवन गुरुङ, एकाकुमारी कार्की, अशोक झा, जयप्रसाद राई, भक्त गुरुङ, फुर्तिमान तामाङ, विमला गुरुङ र हरिदेवी भुजेलको नाम प्रदेश समितिमा पठाइएको छ ।

प्रदेश सभा ‘ख’ मा प्रत्यक्षतर्फ कर्मा शेर्पा, प्रेमबहादुर थापा मगर र साङगा बहादुर राईको नाम सिफारिस गरिएको छ । 

समानुपातिकतर्फ डोल्मा तामाङ, फुदोर्जी शेर्पा, पासाङ शेर्पा, मनोज खड्का, टंकीमाया बस्नेत, मंगलसिंह तामाङ, सानुमाया राजभण्डारी, राजन बस्नेत र लाक्पा नुरु शेर्पाको नाम सिफारिस गरिएको छ ।