वाणिज्य बैंकहरूको निक्षेपमा पछिल्लो एक सातामा सुधार भएको छ । नेपाल बैंकर्स संघले सोमवार जारी गरेको २४ भदौसम्मको तथ्यांकअनुसार बैंकहरूमा निक्षेप ८ अर्ब रुपैयाँले बढेको छ । तथ्यांकअनुसार १७ भदौमा बैंकहरूमा ४४ खर्ब ३७ अर्ब रुपैयाँ रहेको निक्षेप बढेर त्यसपछिको एक सातामा यस्तो तथ्यांक ४४ खर्ब ४५ अर्ब रुपैयाँ पुगेको छ । 

यो अवधिमा निक्षेप बढेसँगै बैंकहरूले कर्जा प्रवाह पनि बढाएका छन् । पछिल्लो एक सातामा बैंकहरूमा कर्जा प्रवाह ७ अर्ब रुपैयाँले बढेको छ । बैंकहरूले यो अवधिमा ४१ खर्ब ८१ अर्ब रुपैयाँबाट कर्जा बढाएर ४१ खर्ब ८८ अर्ब रुपैयाँ पु¥याएका छन् । 

चालू आर्थिक वर्ष लागेदेखि लगातार घटिरहेको निक्षेपमा सुधार भएको छ । निक्षेप नआएका कारण करिब ठप्प भएको कर्जा प्रवाह पनि गत साता बढेको देखिएको छ । बैंकहरूले निक्षेप बढेसँगै कर्जा प्रवाह पनि बढाएका छन् । यसले ऋणीको रोकिएको कर्जालाई सहजीकरण गरेको देखिएको छ ।