अभिनेता बुद्धि तामाङ आज  वैवाहिक सम्बन्धमा बाँधिँदै छन् ।

आज (शुक्रबार) उनको विवाह हुन लागेको हो ।

बुद्धिले मकवानपुरकी अनु थिङसँग तामाङ परम्पराअनुसार विवाह गर्न लागेका हुन् ।

भक्तपुर कौशलटारस्थित एक पार्टी प्यालेसमा हुन लागेको विवाहमा दुवै पक्षका परिवारका सदस्यहरू उपस्थित हुनेछन् ।

स्नातक अध्ययनरत अनुसँग बुद्धिले मागी विवाह गर्न लागेका हुन् ।

‘छक्का पञ्जा’, ‘कबड्डी’ जस्ता थुप्रै हिट चलचित्रमा अभिनय गरेका बुद्धि ‘हैट’ उपनामले चर्चित छन् ।

उनको नयाँ चलचित्र ‘दुई नम्बरी’ असोज २१ गतेदेखि प्रदर्शनमा आउँदैछ ।