हाल नेपालमा  हरियाणा आसपास रहेको न्यून चापीय क्षेत्रको प्रभाव रहेको जल तथा मौसम विज्ञान विभागले जनाएको  छ ।

विभागको मौसम पूर्वानुमान महाशाखाले एक सूचना जारी गर्दै मौसमको पछिल्लो अवस्थाको जानकारी गराएको हो । 

सोही मौसम प्रणालीका कारण अहिले देशभर सामान्यदेखि पूर्ण बदली रहेको महाशाखाले जनाएको छ । 

यस्तै मंगलवार बिहान प्रदेश १, बागमती र लुम्बिनी प्रदेशका एक–दुई स्थानमा हल्का वर्षा  भइरहेको महाशाखाको भनाइ छ । 

मंगलवार दिउँसो देशभर आंशिकदेखि सामान्य बदली रहनेछ । 

प्रदेश १, लुम्बिनी प्रदेश, कर्णाली प्रदेश र सुदूरपश्चिम प्रदेशका केही  स्थानहरूमा र बाँकी प्रदेशहरूका थोरै स्थानहरूमा मेघ गर्जन/चट्याङ्ग सहित हल्कादेखि मध्यम वर्षाको सम्भावना रहेको महाशाखाले जनाएको छ । 

मंगलवार राति प्रदेश १, बागमती प्रदेश र गण्डकी प्रदेशमा आंशिकदेखि सामान्य बदली रही बाँकी प्रदेशमा आंशिक बदली रहने महाशाखाको भनाइ छ । 

महाशाखाका अनुसार, प्रदेश १, मधेश प्रदेश, बागमती प्रदेश र गण्डकी प्रदेशका थोरै स्थानहरूमा र बाँकी प्रदेशहरूका एक–दुई स्थानमा मेघ गर्जन/चट्याङ्ग सहित हल्कादेखि मध्यम वर्षाको सम्भावना रहेको महाशाखाको भनाइ छ ।