एमाले छाडेर स्वतन्त्र उम्मेदवारी दिँदै प्रतिनिधिसभा निर्वाचनमा विजयी भएका प्रभु साह नयाँ पार्टी दर्ताको तयारीमा जुटेका छन् । रौतहट–३ बाट निर्वाचित उनले ‘आमजनता पार्टी’ दर्ताको तयारी गरेका हुन् । 
पार्टीमा स्वतन्त्रबाट निर्वाचित सांसदहरुलाई समेट्ने प्रयास गरिने एक नेताले बताए । 

ती नेताका अनुसार आगामी ६ पुसमा सातैवटा प्रदेशका प्रतिनिधित्व हुने गरी तदर्थ समिति गर्न काठमाडौंमा भेला बोलाउन लागिएको छ । त्यसका लागि भेला व्यवस्थापनको जिम्मा इच्छाबहादुर वाग्ले, पार्टीको विधान तयार पार्ने जिम्मा प्रभु साह र देशभरिका स्वतन्त्र सांसदलाई भेला पार्ने जिम्मा बद्रीप्रसाद न्यौपानेलाई दिइएको छ । 

साहले आफ्नो पार्टी बन्दै गर्दा प्रतिनिधिसभामा तीन र प्रदेशसभामा ६ गरी ९ जना सांसद रहने दाबी छन् ।