मजदुर आन्दोलनले बिहानैदेखि यातायात प्रभावित

यातायात मजदुरको आन्दोलनले मंगलबार बिहानैदेखि काठमाडौँको यातायात सेवा प्रभावित भएको छ ।  मजदुर संघको हडतालका कारण उपत्यकाका सार्वजनिक सवारीसाधन चलाइएको छैन ।  
सोमबार माछापोखरी क्षेत्रमा दिनभर तनाव भएको थियो । विभिन्न १० बुँदे माग राख्दै यातायात व्यवसायी आन्दोलित बनेका हुन् । 

यसैबीच सरकारले आन्दोलनरत मजदुर संगठनका नेतालाई बार्तामा बोलाएको छ । 
यातायात विभागका महानिर्देशक तुल्सी गौतमका अनुसार आन्दोलनरत यातायात मजदुरलाई आज बिहान ८ बजे वार्ताका लागि भौतिक पूर्वाधार तथा यातायात मन्त्रालयमा बार्तामा बोलाईएको छ ।