प्रकाश सपूतको पछिल्लो गीत ‘सकम्बरी’ युट्युबबाट हटाउन रात्रीकालिन मनोरञ्जन व्यवसायी संघ नेपालले माग गरेको छ ।

संघले मंगलवार एक विज्ञप्ति जारी गर्दै गीतले आम महिलालाई आपेक्ष लागेको बताउँदै युट्युबबाट हटाउन माग गरेको हो ।

केही शब्द र भिडियोप्रति आफूहरूको आपत्ति रहेको संघले उल्लेख गरेको छ । संघले उक्त गीतले रात्रीकालिन मनोरञ्जन व्यवसायको नकारात्मक प्रचार भएको दाबी गरेको छ ।

संघका अध्यक्ष आशिष खड्का र महासचिव सगुन अधिकारीद्धारा हस्ताक्षरित विज्ञप्तिमा ‘गलबन्दी’ जस्तो मौलिक र ‘बोल माया’ जस्तो मार्मिक गीतका रचनाकार एवं गायक प्रकाश सपूतले विगत केही समयदेखि नेपाली छोरी/नारीको अस्मितामाथि मजाक र व्यङ्ग्य प्रहार गर्दै भाइरल हुनका लागि अपाच्य गीत ल्याएको आरोप छ । 

‘तपाईजस्तो भुइँमान्छेबाट उठेर संघर्ष गरी नेपाली कला क्षेत्रमा स्थापित हुन लागेको व्यक्तिले नेपाली समाजमा छोरी– नारीको बारेमा निर्माण गर्न खोजेको विम्ब यही हो त ?’ विज्ञप्‍तिमार्फत प्रकाशलाई सोधिएको छ । 

हेर्नुहोस् विज्ञप्ति

​