कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
बैशाख ५, २०८०
मन्त्रिपरिषद्को मंगलबार बसेको नियमित बसेको बैठकले जग्गाको कित्ताकाट खुला गर्नेसहितका महत्त्वपूर्ण निर्णय गरेको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा बसेको बैठकले जग्गाको कित्ताकाट खुला गर्ने निर्णय गरेको प्रवक्ता समेत रहेकी सूचना तथा सञ्चार प्रविधिमन्त्री रेखा शर्माले जानकारी दिइन् ।
उनले भनिन्, ‘भूउपयोगसम्बन्धी पहिलो संशोधन नियमावली २०७९ स्वीकृत गर्ने भन्ने निर्णय भएको छ ।’ यससँगै अंशवण्डा, जग्गासहित जग्गासम्बन्धी कारोबारका थुप्रै कुरामा कित्ताकामा समस्या भएको विषयलाई अब नियमावलीले समाधान गर्ने शर्माले बताइन् ।
उनका अनुसार मन्त्रिपरिषद्को निर्णयसँगै यसअघि कित्ताकाट बन्द गर्ने भनेर मन्त्रालयहरुले गरेका निर्णयहरु स्वतः खारेज भएको छ ।
लामिछानेको निर्णय खारेज
यसैगरी बैठकले राष्ट्रिय स्वतन्त्र पार्टी (रास्वपा) का सभापति रवि लामिछाने गृहमन्त्री हुँदा भएको एक विवादास्पद निर्णय पनि खारेज भएको छ । बैठकले राष्ट्रिय परिचयपत्र व्यवस्थापन सूचना प्रणालीमार्फत सुरक्षित तबरले नागरिकको विवरण प्रमाणीकरणसम्बन्धी कार्यविधि खारेज गर्ने निर्णय गरेको हो ।
यो कार्यविधिलाई लिएर प्रश्न उठेकाले यसलाई खारेज गरेर यस विषयमा छानबिन गर्ने निर्णय समेत भएको शर्माले जानकारी दिइन् ।
यो विषयमा करोडौ आर्थिक चलखेल भएको दाबीसहितको समाचार बाहिर आएका थिए भने नागरिकको गोप्य डाटा विदेशीको हातमा पुग्ने भन्दै चित्ता व्यक्त गरिएको थियो ।
तर लामिछानेले भने आफूले पुरानै फाइल प्रक्रियाअनुसार सदर गरेको दाबी गर्दै आएका छन् । उनले यो विषयमा कुनै आर्थिक चलखेल समेत नभएको सार्वजनिक विज्ञप्तिमार्फत जिकिर गरिसकेका छन् ।
खोकनाको जग्गा विवादबारे सहजीकरण समिति
यसैगरी सरकारले फास्ट ट्रयाक निर्माणका क्रममा खोकनामा विवाद देखिएको जग्गासम्बन्धी समस्या समाधान गर्न समेत अग्रसरता देखाएको छ । त्यसका लागि मन्त्रिपरिषद्ले सहजीकरण समिति बनाएको छ ।
फास्ट ट्रयाकमा बनाउने स्थानमा पर्ने जग्गा प्राप्तिका लागि सहमति जुटाउन रक्षामन्त्री पूर्णबहादुर खड्काको नेतृत्वमा मन्त्रिपरिषद्ले सहजीकरण समिति बनाउने निर्णय गरेको शर्माले बताइन् । सहजीकरण समितिमा ललितपुर महानगरपालिकाका मेयरसहित सरोकारवाला रहने निर्णय भएको सरकारकी प्रवक्ता रेखा शर्माले जानकारी दिइन् ।
यो समितिले जग्गासम्बन्धी विवादलाई सहजीकरण गर्ने र सम्बन्धित व्यक्तिलाई भेटेर दूतमार्ग छिटो सम्पन्न गर्नका लागि सहजीकरण गर्ने शर्माको भनाइ छ । आजैमात्रै प्रधानमन्त्रीले फास्ट ट्याकको स्थलतगत अवलोकन गरेका थिए ।
राष्ट्रिय गौरवको आयोजनाको रुपमा रहेको तराई मधेस फास्ट ट्र्याक निर्माणका लागि मुआब्जाको विवाद हुँदा खोकनामा काम अघि बढ्न सकेको छैन । स्थानीयले मुआब्जाको विषय निकालेर पटक पटक अवरोध गर्दै आएका छन् ।
मन्त्रिपरिषद्ले गरेका अन्य निर्णय भने नियमित पत्रकार सम्मेलनमार्फत सार्वजनिक गरिने बताइएको छ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...