राष्ट्रिय स्वतन्त्र पार्टीका सभापति रवि लामिछानेले नक्कली भुटानी शरणार्थी बनाएर अमेरिका लान खोजिएको ठगी प्रकरणबारे आफू गृहमन्त्री हुँदा पनि छलफल गरेको दाबी गरेका छन् । 

अहिले अनुसन्धान अघि बढाएकोमा गृहमन्त्रीलाई धन्यवाद दिँदै रविले अनुसन्धान पूर्ण हुनुपर्ने पनि बताएका छन् । 

‘शरणार्थी अनुसन्धानमा गृहमन्त्रीको कदम स्वागत योग्य छ । यसमा धन्यवाद भन्नैपर्छ । म गृहमन्त्री हुँदा पनि कम्प्लेन आएको थियो । चार पाँच चरणमा छलफल गरेर अगाडि बढाउन खोजेका पनि थियौं’ उनले भने, ‘तर अनुसन्धानमा क्रममा देखिएका नेता बोल्दा बोल्दैको हराए । 

यो अनुसन्धान कहाँसम्म जान्छ ? लहरो तान्दा पहरो जाने देखिएको छ ।’ यो कदमपछि अब वाइडबडी र ओम्नी काण्डको छानबिन गर्न पनि उनले माग गरेका छन् ।