बागमती प्रदेश सरकारले प्रदेशसभाको बैठक भदौ १७ गतेका लागि आह्वान गर्न सिफारिस गरेको छ । 
मंगलबार बसेको मन्त्रिपरिषद् बैठकले प्रदेशसभा बैठक आह्वानका लागि सिफारिस गर्ने निर्णय गरेको आन्तरिक मामिला मन्त्री समेत रहेका सरकारका प्रवक्ता गंगानारायण श्रेष्ठले जानकारी दिए । 

त्यसैगरी, बैठकले प्रदेश सरकारी कामकाजको भाषा सम्बन्धमा व्यवस्था गर्न बनेको विधेयक र प्रदेश कृषि विकास सम्बन्धमा व्यवस्था गर्न बनेको विधेयक प्रदेशसभामा पेश गर्न स्वीकृति दिने निर्णय गरेको प्रवक्ता श्रेष्ठले उल्लेख गरे ।