कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
काठमाडाैं | कात्तिक १४, २०८०
‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेका २४ घण्टाका मुख्यमुख्य घटनाक्रमसहित उपस्थित भएका छौँ–
नेकपा एमालेका अध्यक्ष केपी शर्मा ओलीले कम्बोडियाको टेलिकम कम्पनीमा लगानी रहेको भनेर बदनाम गर्न खोजिएको बताएका छन् । ३ वर्ष अगाडिको भिडियोलाई अहिले फिजाएर अफवाह फैलाउन खोजिएको उनले आरोप लगाए । ओलीले कम्बोडियामा लगानी रहेको भनेर टिकाटिप्पणी भइरहेको बेला यसबारे ओलीले स्पष्टीकरण दिएका हुन् ।
गण्डकी प्रदेश अधिवेशनबाट निर्वाचित पदाधिकारीको शपथ समारोहलाई सोमवार पोखरामा सम्बोधन गर्दै ओलीले नेपालले आफ्नो नक्सा जारी गरेको विरोधमा भारतीय टेलिभिजनले बनाएको अनर्गल भिडियो शेयर गरिएको बताएका हुन् । एमालेका पूर्वकेन्द्रीय सदस्यसमेत रहेका दुर्गा प्रसाईंले जी टीभीको पुरानो भिडियोलाई आधार बनाएर ओलीले कम्बोडियाको कम्पनीमा लगानी गरेको आरोप लगाएका थिए ।
‘नेपालले नयाँ नक्सा जारी गरेपछि भारतीय जी टीभीले केही अनर्गल प्रचार गर्यो । कम्बोडियाको दूरसञ्चार कम्पनीमा ओलीले ३ हजार करोड लगानी गरेको छ भनेर । पछि उनीहरूले त्यो कुरा सच्याएर माफी मागेपछि मैले उनीहरूलाई अन्तर्वार्ता दिएको हुँ,’ ओलीले भने, ‘३ वर्षअघि प्रचार गरेर सच्चाइसकेको भिडियो अहिले आएर नेपालमा हल्ला फिँजाएका छन् । ओलीको नाममा सिमरामा २७ विघा जमिन रहेको हल्ला चलाए, गठ्ठाघरमा ३७ रोपनी लिएको भनेर हल्ला चलाए । स्विस बैंकमा लगेर ६० करोड छ भनेर हल्ला चलाए ।’
एमालेलाई बदनाम गर्ने रोडम्यापअनुसार कम्बोडियाको कुरा ल्याइएको ओलीले बताए । ‘कम्बोडियामा ३ हजार करोड राखेको छु भन्ने पत्ता लगाउनेलाई त्यसमा १ हजार रुपैयाँ थपेर दिन्छु, त्योभन्दा धेरै दिनलाई मसँग पैसा छैन,’ उनले भने ।
००००
ओलीले मेडिकल कलेज व्यापारी दुर्गा प्रसाईंलाई गिरफ्तार गर्न भनेर प्रधानमन्त्री पुष्पकमल दाहाल प्रचण्डसँग आग्रह नगरेको बताएका छन् । उनले प्रसाईंले आरोप लगाउँदैमा आफू नझुक्ने बताए ।
००००
नेपाली कांग्रेसको १४औं महाधिवेशनमा सभापति शेरबहादुर देउवाविरुद्ध एकै ठाउँमा उभिए पनि त्यसयता भने नेता डा। शेखर कोइराला र महामन्त्री गगन थापाको सम्बन्ध उतारचढावपूर्ण देखिँदै आएको छ ।
यसअघि सभापति शेरबहादुर देउवाको कार्यशैलीलाई हेर्ने दृष्टिकोण र सरकारमा मन्त्री पठाउने विषयमा भएको असमझदारीलाई दुवै नेताले जसोतसो मिलाउने प्रयास गरेका थिए । तर, कोशीमा असोजको अन्तिम साता शेखर पक्षका ८ सांसदले एमालेसँग मिलेर गरेको विद्रोहपछि फेरि दुई नेताको सम्बन्ध चिसिन पुगेको हो । यसबारे विस्तृत रिपोर्ट सोमबार लोकान्तरमा छापिएको छ ।
००००
संघीय संसद्को संयुक्त बैठकलाई संयुक्त राष्ट्रसंघका महासचिव एन्टोनियो गुटेरेसले मंगलबार सम्बोधन गर्दैछन् । चार दिने नेपाल भ्रमणमा रहेका गुटेरेसले अपराह्न ४ बजे प्रतिनिधि र राष्ट्रियसभाको संयुक्त बैठकलाई सम्बोधन गर्ने कार्यसूची छ ।
००००
मानव बेचबिखनमा संलग्न रहेको आरोपमा एकजना प्रहरी नै पक्राउ परेका छन् । प्रहरीले त्रिभुवन अन्तर्राष्ट्रिय विमानस्थलमा कार्यरत प्रहरी जवान जीवराज तामाङलाई पक्राउ गरी अदालतबाट म्याद लिई अनुसन्धान सुरु गरेको छ ।
००००
बाराको कलैयामा एक निजी विद्यालयका प्रधानाध्यापक रुपेश सर्राफको हत्या प्रकरणमा संग्लग्न भएको आरोपमा प्रहरीले ६ जनालाई पक्राउ गरेको छ ।
पक्राउ परेकामध्ये एकजना महिला विद्यालयकै पूर्वकर्मचारी रहेको बारा प्रहरीले जनाएको छ ।
००००
स्वास्थ्य तथा जनसङ्ख्या मन्त्रालयले रङरोगन गर्ने पेन्टरको रगतमा लेड (सिसा) अत्यधिक मात्रामा पाइएको जनाइएको छ ।
मन्त्रालयका प्रवक्ता डा प्रकाश बुढाथोकीले अध्ययनले सरसफाइ र रङ्रोगन गर्ने पेन्टरको रगतमा लेड (सिसा) बढी भएको देखाएको बताए ।
००००
भन्सार छली गरी सुनको कारोबार गर्ने पाँच जनालाई प्रहरीले पक्राउ गरी सार्वजनिक गरेको छ । उनीहरुलाई काठमाडौँ उपत्यका अपराध अनुसन्धान कार्यालय मिनभवनको टोलीले पक्राउ गरेको हो ।
००००
इजरायलको किबुज अलुमिममा प्यालेस्टाइनी हमास समूहको आक्रमणमा मारिएका सबै १० जना नेपालीको शव पहिचान भएको छ । इजरायलस्थित नेपाली दूतावासले पछिल्लो पटक राजेश कुमार स्वर्णकार र आनन्द साहको शव पहिचान भएसँगै सबैको शव पहिचान सकिएको जानकारी दिएहो हो ।
००००
दसैँपछि रोकिएको रत्नपार्क(सूर्यविनायक द्रुत बस सेवा तिहार पछि पुनः सञ्चालनमा आउने भएको छ । सेवा सञ्चालनका क्रममा प्राविधिक र व्यवस्थापकीय पक्षमा देखिएका समस्याको हल गर्दै तिहार बिदा सकिएलगतै पुनःसञ्चालनमा ल्याउन लागिएको भौतिक पूर्वाधार तथा यातायात मन्त्रालयले जनाएको छ ।
००००
संयुक्त राष्ट्रसङ्घका महासचिव एन्टोनियो गुटेरेसले जलवायु परिवर्तनको असरका रूपमा पर्यावरण र मानव समुदायमा नाटकीय परिवर्तन देखिन थालेको बताएका छन् ।
सगरमाथा क्षेत्रको अवलोकनका लागि उनी सोमवार बिहान सोलुखुम्बु जिल्लाको खुम्बु पासाङल्हामु गाउँपालिका–४ पुगेका थिए । उक्त क्षेत्रको अवलोकनका क्रममा सामाजिक सञ्जाल एक्समार्फत भिडियो सन्देश दिँदै महासचिव गुटेरेसले जलवायु परिवर्तन रोकथामका लागि विश्व समुदायलाई आग्रह गरेका छन् ।
००००
नेपाल स्टक एक्सचेञ्ज (नेप्से) परिसूचकमा सामान्य अङ्कको सुधार देखिएको छ । सोमवार नेप्से परिसूचक तीन दशमलव ०४ अङ्कले बढेर एक हजार आठ सय ७८ दशमलव ७० अङ्कमा कायम भएको छ ।
००००
रुपन्देहीको भैरहवास्थित गौतमबुद्ध अन्तर्राष्ट्रिय विमानस्थल नियमित सञ्चालनको माग गर्दै सिद्धार्थ सञ्जाल रुपन्देहीले आन्दोलनका कार्यक्रमहरू सार्वजनिक गरेको छ । सोमवार भैरहवामा पत्रकार सम्मेलनको गरी आन्दोलनका कार्यक्रमहरू सार्वजनीक गरेको हो ।
००००
आईसीसी टी २० विश्वकप छनोट प्रतियोगितामा नेपालले विजयी शुरूआत गरेको छ । काठमाडौंको कीर्तिपुरस्थित त्रिवि मैदानमा सोमबार बिहान सिंगापुरलाई आठ विकेटले हराउँदै विश्वकप छनोटमा नेपालले विजयी शुरूआत गरेको हो ।
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...
अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...
गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...