इलामको सूर्योदय नगरपालिका–५ श्रीअन्तु डाँडामा आन्तरिक र वाह्य पर्यटकको भिड लाग्ने गरेको छ ।  श्रीअन्तुमा अहिले दैनिक हजारौँको संख्यामा पर्यटक आउने गरेका छन् ।  आन्तरिक र वाह्य पर्यटकले इलामका पर्यटकीय गन्तव्य भरिभराउ रहेका छन् ।

सांस्कृतिक तथा प्राकृतिक सुन्दरताले मनै लोभ्याउने श्रीअन्तुमा आन्तरिक र वाह्य पर्यटक बढेपछि यहाँका होटल र होम–स्टे भरिभराउ छन् ।

समुद्री सतहबाट करिब २ हजार ३ सय मिटर उचाइमा पर्ने श्रीअन्तु सूर्योदय र सूर्यास्तको दृश्यवलोकनको लागि राम्रो गन्तव्यका रूपमा परिचित छ । 

इलामको पशुपतिनगर र फिक्कलबाट १४  किलोमिटरको दूरीमा पर्ने श्रीअन्तु तराईबाट नजिकै र सडकको सहजताका कारण पनि धेरै पर्यटक पुग्ने गरेका छन् ।

हेरौं तस्वीरहरू: