कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
काठमाडाैं | फागुन २२, २०८०
‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ–
नेकपा एमाले, माओवादी केन्द्र, रास्वपा र जसपाबीचको चार दलीय नयाँ गठबन्धन बनेसँगै नेपाली कांग्रेस प्रतिपक्षी बेन्चमा पुगेको छ । प्रधानमन्त्री तथा माओवादी केन्द्रका अध्यक्ष प्रचण्ड कांग्रेसको क्रियाकलापप्रति असन्तुष्ट बन्दै एमालेसँग सहकार्य गर्न पुगेका हुन् । अन्तिम समयसम्म पनि गठबन्धन कायम रहनेमा विश्वस्त देखिएका कांग्रेस सभापति शेरबहादुर देउवा चार दलका बीचमा ८ बुँदे सहमति भएसँगै जिल्लिएका छन् ।
आइतबार मध्यरातमा कांग्रेससहितको गठबन्धन तोडेर नयाँ गबठन्धन बनाउने सहमति जुटेको थियो । जसअनुसार ८ बुँदे सहमतिमा प्रचण्डलाई नै प्रधानमन्त्रीमा निरन्तरता दिने उल्लेख छ । राष्ट्रिय आवश्यकता र जनचाहनाअनुसार सरकारको कामलाई अझ प्रभावकारी बनाउन तथा मुलुकको सुशासन, विकास, सामाजिक न्याय र समृद्धिका पक्षमा समान सोच राख्ने दलहरूका बिचमा सहकार्य आवश्यक रहेको महसुस गरी चार दलको संयुक्त सरकार गठन गर्ने निष्कर्षमा पुगिएको सहमतिपत्रमा उल्लेख छ ।
यस्तै रिक्त रहेको राष्ट्रियसभाको अध्यक्षमा नेकपा माओवादी केन्द्रका उम्मेदवार र उपाध्यक्षमा नेकपा एमालेका उम्मेदवारलाई समर्थन गर्ने सहमतिपत्रमा उल्लेख छ।
००००
यसैबीच एमालेसहितको नयाँ सत्ता गठबन्धन मन्त्रालय भागबण्डाबारेको छलफलमा जुटेको छ । ८ बुँदे सहमति मै आपसी सहमतिमा मन्त्रालय बाँडफाँट गर्ने र त्यसरी बाँडफाँट गर्दा मन्त्रालयको विशेषताका आधारमा वर्गीकरण गरी मिलाउने विषय उल्लेख छ ।
जसअनुसार भागबण्डामा सहमति जुटाउन मंगलबार सत्ता साझेदार दलबीचको बैठक बस्ने बताइएको छ । हाल नयाँ समीकरणबाट तीन जनामात्रै विनाविभागीय मन्त्री बनेका छन् । हाल गठबन्धनमा चार दल रहेपनि कांग्रेस र राप्रपाबाहेकका दलहरुसँग संवाद अघि बढाइने बताइएको छ । जसअनुसार प्रधानमन्त्री प्रचण्डले सोमबार नै एकीकृत समाजवादीका अध्यक्ष माधव नेपालसँग छलफल गरिसकेका छन् ।
००००
यसैगरी ८ बुँदे सम्झौता सरकारको नेतृत्वमा आलोपालो गर्ने या नगर्ने भन्नेमा मौन देखिएको छ । सम्झौताको पहिलो नम्बर बुँदामा संयुक्त सरकारको नेतृत्व पुष्पकमल दाहाल प्रचण्डले गर्ने उल्लेख गरिएपनि समय नतोकिएको हो ।
००००
प्रधानमन्त्री पुष्पकमल दाहाल प्रचण्डले मन्त्रिमण्डल पुनर्गठन गरेका छन् ।सोमवार नेकपा माओवादी केन्द्रका हितबहादुर तामाङ, नेकपा एमालेका पदम गिरी र रास्वपाका डोलप्रसाद अर्याललाई सामेल गरेर प्रचण्डले मन्त्रिमण्डल पुनर्गठन गरेका हुन् ।
तीन मन्त्रीले सोमवार नै राष्ट्रपति कार्यालयमा शपथ लिएका छन् ।
००००
सङ्घीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक, २०८० संसद्मा दर्ता भएको छ । सङ्घीय मामिला तथा सामान्य प्रशासन मन्त्रालयले आइतबार प्रतिनिधिसभामा उक्त विधेयक दर्ता गरेको हो ।
सङ्घीय निजामती सेवा सञ्चालनका लागि कर्मचारीको सेवा सर्त र सुविधासम्बन्धी कानुनलाई सङ्घीयताअनुरुप सञ्चालन गर्न आवश्यक रहेको भन्दै सरकारले यो विधेयक ल्याएको हो । मुलुकको प्रशासनिक प्रणालीलाई व्यवस्थित, कार्यात्मक र नतिजामुखी बनाउन यो विधेयक ल्याइएको जनाइएको छ ।
००००
प्रधानमन्त्रीले राष्ट्र र जनताको लागि सोमवार क्रमभंग गरेको बताएका छन् ।
शान्ति प्रक्रिया, संघीय लोकतान्त्रिक गणतन्त्रसम्बन्धी विचार गोष्ठीमा प्रचण्डले पछिल्लो राजनीतिक घटनाक्रम नयाँ क्रमभंग भएको बताएका हुन् ।
‘प्रचण्डलाई बुझ्नै नसक्ने मान्छे छन् तर राष्ट्र र जनताप्रति नै आजको दिन नयाँ क्रमभंग हो’, प्रचण्डले भने, ‘हामी एकताबद्ध हुनुपर्छ । माओवादीहरू एकताबद्ध हुनुपर्छ । ठोस परिस्थितिको विश्लेषण गरेर अगाडि बढ्नुपर्छ ।’
००००
नेकपा एमालेका अध्यक्ष केपी शर्मा ओलीले आफूहरू नयाँ ढंगले अगाडि बढ्न खोजिरहेको बताएका छन् । सोमबार पार्टी निकट मजदुरहरूको संगठन जिफन्टको कार्यक्रमलाई सम्बोधन गर्दै ओलीले सत्ता समीकरणमा भएको फेरबदलले देश भताभुंग अवस्थाबाट सकारात्मक अवस्थातिर फर्किने विश्वास व्यक्त गरे ।
००००
पाली कांग्रेसका सभापति शेरबहादुर देउवाले केन्द्रीय कार्यसम्पादन समितिको बैठक बोलाएका छन् ।
देउवाले निजी निवास बूढानीलकण्ठमा मंगलवार दिउँसो ३ बजे बस्ने गरी केन्द्रीय कार्यसम्पादन समितिको बैठक बोलाएका हुन् ।
००००
राष्ट्रिय सभाका नवनिर्वाचित १९ सदस्यले शपथ लिएका छन् ।
नयाँ बानेश्वरस्थित संसद् भवनमा सङ्घीय संसद् सचिवालयद्वारा आयोजित समारोहमा सभाका उपाध्यक्ष उर्मिला अर्यालले उनीहरूलाई पद तथा गोपनीयताको शपथ खुवाएकी हुन् ।
००००
संसद् बैठक फागुन २४ गतेसम्मका लागि स्थगित भएको छ । नयाँ सत्ता समीकरणको रस्साकस्सीले सोमबारको प्रतिनिधि सभा बैठक प्रभावित भएको हो ।
००००
केन्द्रमा सत्ता समीकरण फेरिएसँगै प्रदेश सरकारहरू पनि फेरबदल हुने भएका छन् । यसअघि कांग्रेस(माओवादी गठबन्धनका आधारमा बनेका सरकारहरू नयाँ समीकरणसँगै फेरिने पक्का भएको हो ।
हाल सुदूरपश्चमसहित लुम्बिनी, गण्डकी र कोशीमा कांग्रेस नेतृत्वमा सरकार छन् । यस्तै, कर्णाली र बाग्मतीमा माओवादी र मधेशमा जसपाको सरकार छ ।
मधेश र माओवादीले नेतृत्व गरेका दुई प्रदेशबाहेक अन्यमा प्रदेश सरकार तत्काल सरकार फेरिने देखिएको छ । कांग्रेसले नेतृत्व गरेका प्रदेश सरकार फालेर आलोपालो नेतृत्व गर्ने समझदारी एमाले र माओवादीले गरेका छन् ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...